rgya bzhi yod med yin/ gsang ba shes rab ye shes ni tshangs par spyod pas blang bar mi bya zhes gsungs so/ /skye bo mang po bsnyen gnas la bkod/ mang por sgrub pa'i gdams ngag gnang nas yi dam lha'i zhal gzigs pa mang du byung / lo chen rin chen bzang pos ma hA paNDi ta shrI dznyA na spyan drangs nas khong gi gzims khang na/ sngags kyi dkyil 'khor gyi bris sku mang po yod pa dang / sgo mdun na bcom ldan 'das mi g.yo ba'i bris sku bzhugs pas de la thugs rje dbyings kyi bstod pa mdzad de phyag mdzad/ de nas dkyil 'khor gzhan la yang bstod pa sho lo ka re mdzad nas phyag mdzad do/ /de sngon rin cen bzang pos jo bo rje phyag ma mdzad chos ma zhus/ nga sngon rgya gar na slob gnyer byed tsa na/ jo bo ban chung chung ngu gcig 'dug da lta mkhas pa chen po byung 'dug dgongs nas/ 'bul ba dang bsnyen bkur chen po mdzad/ de'i rjes nas phyag rtse sprod mdzad/ chos zhus lo tsA yang lo chen rin chen bzang pos mdzad do/ /brgyad stong pa rtsa 'grel la sogs pa mang po bsgyur ro/ /dbu ma rtsa 'grel/ gsang 'dus lugs gnyis sgrub thabs mang po dang / btags pa dug mtsho che chung / sprul pa khye'u chung gi zhu lan mthong ba spyan gyi me long / gso dpyad/ chos skyong mgon po lcam sring dang / nor lha'i sgrub thabs mang po bsgyur/ gzhan yang gsang sngags kyi brda dang / sbas pa dang / mdo sde drang nges dgongs pa ma shes par sgra'i rjes su 'brangs nas/ sbyin pa dang tshul khrims la sogs pa thabs kyi tshul la bslab mi dgos/ sems nyid gcig pu rkyang 'ded kyis sangs rgya zer ba dang / blo mi sbyong bar theg pa chen po yin zer ba dang / so so thar pa'i sdom pa dang / byang chub sems dpa'i sdom pa med par dbang skur dam tshig thob zer ba dang / chags sdang dang sdig pa sna tshogs spyod cing / sgrib pa mi 'gos zer ba'i log chos smra ba thams cad lung dang rigs pas tshar bcad/ lha btsun pa byang chub 'od dang / lha bla ma'i thugs dgongs rdzogs par mdzad do/ /gzhan yang 'gyur mang po bcos/ mang po bsgyur/ bstan pa la phan btags so/ /lha bla ma'i sku tshe smad la spu rang pa zhang chung btsun gsal shes rab la bka' bsgos nas/ yul dbus kyi paNDi ta shrI badzra bo dhi dang / lo tsA ba gyi cho zla ba 'od zer gyis dus 'khor dang / ma rgyud 'ga' bsgyur ro/ /mnga' ris stod du lo gsum bzhugs/ de nas bod kyi ston pa mang po byon/ 'brom gyis gtso byas gabus gtsang gi mi che ba rnams kyis dbus su byon par zhu ba phul/ spu rang gi rgya zhing dgon po lo chen gyi gnas su/ gser sil ma zangs gzhong gang phul te/ mar spyan drangs nas byon/ jo bo dbus na bzhugs pa'i dus su/ lha bzo ba kha che gzhon nu shes rab skyabs bya ba mkhas pa dpon g.yog gnyis byon no/ /lam du 'gro ba mang po la byin rlabs mdzad/ bsam yas su phyags phebs/ chos mang po gsungs/ de nas lha sa dang yer pa par byon/ snye thang 'or du bzhugs nas skal ldan 'brom/ stong tshab nam mkha'/ de'i slob ma dang / yol rdo rje dbang phyug rngog legs she/ khu sher brtson/ 'gar ston dge ba/ chag khri mchog dpal dgon pa gong ma ba/ lung a mes byang chub/ rnal 'byor pa rdo rje shes rab/ 'dzeng sgom dbang phyug rgyal mtshan/ g.yo rdzong rnal 'byor/