zhang sna chung ston pa la sogs pa skal ldan mang po smin par mdzad do/ /jo bo'i sras kyi thu bo 'brom ston pa rgyal ba'i 'byung gnas/ de'i slob ma rin po che sku mched gsum la sogs so/ /dge bshes blo chung phul byung pas slob bu ma bsten par sgrub pa kho na mdzad do/ /po to ba dang / spyan snga rin chen gnyis las/ slob bu so sor byuung ba la/ bka' gdams gzhung pa ba dang / man ngag pa gnyis su grags so/ /de gnyis las mched pa dge ba'i bshes gnyen ngo mtshar can mang po byung ngo / /khams pa lung pa dang / glang ri thang pa dang / rgya lcags ri gong kha ba dang / sha ra ba dang / sha po sgang pa dang / brag brgyab pa dang / nam 'bar ba dang / ja yul ba dang / sne zur ba dang / ka ma pa dang / mtha' bzhi brtson 'bar ba dang / stod lung pa rin chen snying po dang / rin chen sgang pa sogs dbus su mang po byon/ gtsang du yang / yul la ba dang / ram sdings ma ba dang / chu mig pa dang / snar thang pa dang / rje lung pa dang / don mo ri ba dang / de rnams la sogs pa bsam gyis mi khyab pa byung ngo / /jo bo dbus su bzhugs pa'i dus su mnga' ris pa'i lo tsA ba ting 'dzin bzang po/ rgya gar kha cher 'khrungs pa/ rab tu sbyangs pa/ yul ma ga dhar mkhas par grags pa paNDi ta tsan dha ra hu la chen po spyan drangs nas/ rtog ge rig pa tshang ma'i bstan bcos phyogs glang gi mdzad pa kun las bsdus pa dang / de'i don gyi 'grel pa/ chos kyi grags pas mdzad pa'i sde bdun bsgyur ro/ /dge bshes mtha' dge mthong la sogs pa rnams kyis shes rab rgyas par mdzad do/ /de'i dus su rgya gar kha che dzi na mi tra yang / lo tsa ba zu dga'i rdo rjes spyan drangs nas/ khyung po grags se dang / 'brom ston rdo rje rin chen dang / dwags po dbang rgyal la sogs pa chos nyan pa'i dus/ rngog legs pa'i ses rab kyi tsha bo rngog blo ldan shes rab kyis mnga' bdag rtse lde'i drung du phyin nas paNDi ta surya shrI spyan drangs/ bdag kha cher 'gro bar zhu zhus pas/ mnga' bdag gi zhal nas paNDi ta mkhas pa 'di rnams la chos nyon gsungs pas/ cis kyang kha cher 'gro ba zhu zer te ma nyan/ gser brdzangs te btang / kha cher brtol tsa na/ rgyal po dang yul mi kun na re/ paNDi ta mkhas pa kun bod yul du bzhud/ khyed ci byed zer nas/ paNDi ta gzhan med dam dris pas/ 'bring po 'dra yod zer bas/ skal ldan rgyal po la tshad ma rgyan bslabs/ des kyang ma chog ste/ paNDi ta go mi 'chi la byams pa'i chos lnga cha lag dang bcas pa dang / byams pa/ thogs med/ dbyig gnyen/ dul ba'i sde/ mchog gi sde/ rnam par snang mdzad las/ seng ge bzang po'i 'grel chung dang / spyod phyogs la sogs pa dang / gzhan yang phra mo mang po la sbyangs/ 'bum phrag gsum pa las rnam nges la sogs pa'i tshad ma rnams bslabs/ 'bum phrag gsum pa bod du spyan drangs nas byon/ rtse lde'i sras dbang ldes 'gyur gyi yon bdag byas te chos rnams bsgyur ro/ /mar byon gtsang du/ ar byang chub ye shes la sogs pa mang du 'phel lo/ /paNDi ta dang gangs pa she'u blo gnas 'gran pa yang mdzad do/ /paNDi ta yang mnyes nas bod bzang zer/ 'bro shes rab 'bar/ 'dul dkar gzhon nu tshul khrims/ se dmar ba dang / 'bre mgur ba la sogs pa byung / de'i dus su rngog