bsnyen ne tso dang / khu bsod nams 'bar dang / spu rang lo chung dang / yar lungs pa sma ra ser po can dang gsum gyis/ hang du dkar po spyan drangs nas/ rdo rje phag mo'i gzhung man bsgyur/ de rjes la spyal lo tsA ba kun dga' rdo rje bal yuul du lan gsum byon nas dgyes phag thams cad rdzogs par bsgyur ro/ /'dzims pa lo tsA bas phag mo'i sgrub thabs bsgyur ro/ /chag lo tsA ba dgra bcom dang / zha ma lo tsA ba seng ge rgyal pos gzhung man ngag mang po bsgyur ro/ /gzhan yang bod la thugs rjes gzigs nas lnga brgya'i thams cad mkhyen pa rig pa'i gnas lnga la mkhas pa/ paNDi grub pa thob pa rnal 'byor gyi dbang phyug chen po dam rgya gar dang / paNDi ta 'bum phrag gsum pa dang / a tsa ra dmar po can dang / rgya gar gsang spyod pa dang / kha che ye shes gsang ba dang / bla ma zangs gling ba la sogs pa gdan ma drangs par 'gro ba'i don la byon nas/ gdul bya skal ldan rnams smin pa dang / grol ba'i lam la bkod do/ /gong gi lo tsA ba de rnams kyis dka' ba ji ltar spyad pa dang bla ma gang yin pa dang / chos yon du gser ji ltar phul ba dang / bsgyur ba'i yon bdag su yis byas pa dang / rjes 'jug gi slob ma ji ltar byung ba la sogs pa yod de/ yi ge mang bar 'gyur bas ma bris so/ /de ltar bsgyur ba'i chos sde la/ lha bla ma'i sku drin la brten nas/ bdag nyid chen po rin chen bzang po nas bzung ste/ de rjes bsgyur ba thams cad dang / 'gyur snga ma ka cog yan chad kyis bsgyur ba rnams dang / cung mi 'dra ba 'dug pa rnams la bltos nas bod kyi mi rnams kyis gsar ma zhes grags te ming du chags so/ /de ltar sngar 'gyur rnams la rnying ma zhes grags te/ snga 'gyur gyi bsnyen sgrub dang bshad pa'i srol rnams ji ltar rgyas na/ glang dar gyis chos bsnubs tsa na/ chos dang gang zag bskungs nas bzhugs pa'i zhang dznyA na'i slob ma dpal chen dgu la/ mkhar chen dpal gyi dbang phyug sog po dpal gyi ye shes/ shud pu dpal gyi seng ge/ gnyan chen a tsa ra dpal dbyangs/ 'o bran dpal gyi gzhon nu/ rlangs chen dpal gyi seng ge/ bran ka dpal gyi yon tan/ dar rje dpal gyi grags pa/ cog ro dpal gyi dbang phyug rnams dang / srin po ri'i lang lab byang chub rdo rje dang / snubs nas mched de/ snubs sangs rgyas rin po che la/ zhang dznyA na'i sems sde bco brgyad/ bdud rtsi bam brgyad cha lag dang bcas pa la/ rgyud gsang ba ye shes 'khor lo/ 'grel pa brtag 'grel/ lung bam po brgyad pa/ man ngag sgron gsal/ lag len yang khol nying khol bu don ma la sogs te bdud rtsi'i skor/ nam mkha'i snying po'i yang dag dar rje'i sgyu 'phrul/ nam mkha'i snying po dang dznyA na'i mdo byang / bka' brgyad/ rdzongs 'phreng / ba su dha ra'i gdams pa/ che btsan skyes nas brgyud pa'i dgongs pa 'dus pa la sogs lung gi mdo lnga / kun byed ma bu dgu skor/ sems phyogs rnams mnga' ba mkhas pa bcu gcig gi bka' babs 'dus pa de gtsang du byon/ ye shes dbang phyug dang 'jal nas/ so la lta ba sgang dril nas bshad pa ni/ sems sde bco brgyad lnga snga 'gyur sngar lngar bsdus nas gsungs/ nam mkha'i snying pos yang dag rgyas bsdus/ phyis shel dkar bzas zhus pa dang / nam snying gis mkhar chen dpal gyi ye shes brtsegs la brgyud/