seng ge la bshad de dar zhing rgyas par byas so/ /gnyal pa skor ni/ ru pa lo tsA ba shes rab dpal dang ye shes grags kyis rgya gar du lan gsum phyin/ paNDi ta grub thob ka ro ba dang mjal nas gshin rje gshed dgra nag dang / rdo rje 'jigs byed kyi rgyud/ sgrub thabs dkyil 'khor gyi cho ga/ 'grel pa/ de rnams kyi cha lag dang / gzhan yang phyag rgya chen po'i rgyud lnga grub rting / snang ba sde bdun/ nges pa sde bdun/ mtshan brjod shes rab snying po/ de rnams kyi gdams pa/ mgon po dpon g.yog gsum pa de rnams bsgyur ro/ /leng lo tsA ba shAkya brtson 'grus kyis kyang dgra nag dang rdo rje phag mo la sogs pa bsgyur ro/ /'bro lo tsA ba shes rab grags kyis kha che zla mgon spyan drangs nas dus 'khor 'grel pa che chung sngags dang bcas pa bsgyur ro/ /de nas 'jam dpal zab don la sogs pa mang du bsgyur ro/ skyo lo tsA ba 'od 'byung gis kyang dpal rdo rje 'jigs byed kyi rgyud snga phyi/ dkyil 'khor gyi cha ga sgrub thabs rnams/ gsang sngags gnad kyi gdams pa rnams bsgyur ro/ /lo tsA ba rma ban chos 'bar dang / lo tsA ba shes ston byang chub 'bar dang / lo tsA ba ma chings yon tan 'bar dang / lo tsA ba bar ston thos pa dga' bzhis bal yul nas paNDi ta rgya gar phyag na'i zhabs la gtugs nas/ a ma si la/ 'khor lo sdom pa bcu gsum gsum pa'i dkyil 'khor du zhugs te/ rdo rje rnal 'byor ma'i byin rlabs mdzad/ snying po skor la do ha skor gsum dang / grub skor sde bdun/ mai tri pa'i chaso chung bcu gsum dang / rdo rje phag mo'i sgrub thabs brgya rtsa la sogs pa bsgyur/ de nas rgya gar phyogs nas/ 'brog mi'i sras po lo tsA ba tsad tsa ye shes rdo rje spyan drangs nas/ bod du byon pa la/ spu rang pa grags mchog ses rab dang / zhal mnga' ring mo dang / khyung po lo tsA ba dang / bod kyi ston pa mang pos gdams pa zhus/ mthar gtsang shod pa la/ phyag rgya chen po rdo rtsa bcu gsum/ kha thor rgyab rten dang bcas pa gsungs so/ /jo sras ye shes rdo rjes kyang 'gyur 'ga' byas so/ /lo tsA ba klog skya shes rab brtsegs dang ye shes brtsegs kyis kyang 'jam dpal gyi man ngag dang / 'khor lo sdom pa'i rgyud kyi 'gyur bsgyur ro/ /lo tsA ba kyi bye ma lung pa dang / lo tsA ba 'phags mchog gis 'jam dpal gyi 'grel pa dang / rgyas 'bring bsdus gsum gyi sgrub thabs 'ga' bsgyur ro/ /mal gyi blo gros grags pa dang / yu cher lo tsA ba dang gis sgrol ma'i chos skor bsgyur ro/ /rwa lo tsA ba rdo rje grags kyis rwa'i rdo rje 'jigs byed dang / phag mo mngon 'byung dang / de'i cha lag mgon po mngon 'byung la sogs pa bsgyur/ sgo lo tsA ba bsod nams tshul khrims grags kyis kha che gzhon nu 'bum spyan drangs nas sdom pa 'byung ba'i rgyud/ a bhi dha na la sogs pa'i rgyud/ sgrub thabs man ngag mang po bsgyur ro/ /sman lung khu khang gi ser tsha dang spyal lo tsA ba bsod nams rgyal gyis kyang dgra nag gi 'grel pa la sogs pa bsgyur ro/ /lo tsA ba g.yung drung 'od kyi paDa Di ta a sho shrI bya ba lo lnga brgya zhes pa gcig spyan drangs nas/ 'bring mtshams kyi lo tsA ba zhang shes rab bla ma dang / zhang mya ngan med pa'i dpal gyis gshin rje nag po skor gsum bsgyur ro/ /yar lungs kyi khu lo tsA ba dge