'khrul zhig rtogs ldan ji snyed byon na yang / rnam thar rnams bris na spro ba skye bar 'gyur mod kyi/ bsam gyis mi khyab pas 'dir spros na ye ge mang bar 'jigs pas ma bris so/ /bstan pa phyi dar gyi lo rgyus zhabs su btags pa'o/ /rgyal po ngo bo nges tshig dang / /dbye ba mtshan nyid bsdus don lnga / /ngo bo spyod tshul gzhan las 'phags/ /nges tshig dbang po'i bdag po dang / /rgyal po zhes byar gcig pas te/ /dpa' zhing rang gi yul 'khor bsrung / /gzhan rnams zil gyis gnon pa mtshan nyid yin/ /bsdu na rnam pa gnyis yin te/ /'jig rten dag las 'das pa dang / /ma 'das rgyal po rnam pa gnyis/ /'das pa slob dang mi slob gnyis/ /slob pa sa bcur gnas pa yin/ /mi slob sangs rgyas rnams la grags/ /ci 'byor 'jig rten las rgyal phyir/ /ma 'das rgyal po bem rig gnyis/ /rig pa mi ma yin pa dang / /mi'i rgyal po rnam pa gnyis/ /mi ma yin pa'i rgyal po dang / /mdor na lha gnas man chod nas/ /yi dwags dmyal ba yan chad du/ /dbang byed thams cad rgyal po yin/ /mi'i rgyal po zer lags kyang / /gling gzhan gsum na so so'i sder/ /dbang bskur rgyal por bshad pa ste/ /'dzam gling 'di'i rgyal por mang / /mi rigs sum brgya drug cu la/ /dbang byed rje dang mtshungs par bshad/ /de dag brjod kyis mi rdzogs pa/ /yongs su grags pa'i rgyal po gsum/ /gdung rgyud bskos dang glo bur gsum/ /gdung rgyud mang pos bkur ba pa/ /kha gcig 'di ltar gsum du 'byed/ /bskal pa dang po'i rgyal po lnga/ /de nas 'khor los sgyur rgyal bzhi/ /de yan chad la gdung rgyud zer/ /mdor na mang pos bkur ba nas/ /ngar du 'khor lo can bzhi nas/ /shAkya rigs yan chad kun yin te/ /sgra gcan 'dzin gyi gdung chad nas/ /srid pa'i skye rgyun chad par bshad/ /bskos pa'i rgyal po sde bzhi ni/ /rgya gar chos kyi rgyal por gcig /rgya nag gtsug lag rgyal por gnyis/ /stag gzig nor gyi rgyal por gsum/ /ge sar dmag gi rgyal por bzhi/ /de bzhi'i ming dang bskos lugs dang / /ston pa gang gis byas pa dang / /chos lugs las spyod zas nor gos/ /sgra rnams mi mthun so sor yod/ bskos pala'i rgyal po phyogs bzhi po/ /rgya gar chos kyi rgyal por bsko ba ni/ /byin rlabs bum pa glang po'i sna la bzhag /de yis su la dbang bskur de la bsko/ /rgya nag gtsug lag rgyal por bsko ba ni/ /shel gyi skas btsugs su thar de la bsko/ /ge sar dmag gi rgyal por bsko ba ni/ /phyogs bzhir dpag chen bzhi yis mda' 'phangs pas/ /mda' bzhi dus gcig sus zin de la bsko/ /stag gzig nor gyi rgyal por bsko ba ni/ /rin chen gling nas nor bu sus lon de la bsko/ /rgya gar rgyal po sngon sbyangs las 'phro can/ /sangs rgyas chos kyi snod du rung bas na/ /rgyal ba shAkya tub pas ston pa mdzad/ /rgya nag gtsug lag dpyad kyis 'dul gzigs nas/ /mkhyen rab bdag po 'phags pa 'jam dpal gyis/ /gab rtse sum brgya drug cu'i ston pa mdzad/ /ge sar dmag gi rgyal pos 'dul gzigs nas/ /'phags pa nor 'dzin sku sprul ston pa mdzad/ /rgya gar chos kyi rgyal pos ma rig mun pa sel/ /rgya nag gtsug lag rgyal pos legs nyes me long ston/ /stag gzig nor gyi rgyal pos dbul ba'i sdug bsngal sel/ /ge sar dmag gi rgyal pos phyi'i dgra dpung 'joms/ /glo bur bod kyi rgyal po yin/ /spyir na bod