rma so kam gsum du grags pa dang / rje btsun seng ge las brgyud pa nas zha ma lcam sring dang / zhang dgon pa ba la/ gsang sngags lam skor ba dang / dam pa rin po che nas rgyud pa/ a ma lab kyi sgron ma la sher phyin gcod kyi gdams pa/ sras rgyud blos nas nyams rgyud gnyis la sgrub po mang du byon/ rje btsun chen po mi la'i thugs kyi sras bzhi ni gung thang gi rdo rje grags pa/ lcem lung gi ngan rdzong ras pa/ rta mo'i 'bri sgom/ mdo phra'i se ban/ phrom zhu yas kyi dar ma dbang phyug zhi ba 'od/ gnal ba nyi sgom bsod nams rin chen/ sngags skyes lhan gcig sgron me/ sgrub pa ba bdun ni/ ras pa sangs rgyas skyabs/ ras pa rtsa yu ba/ ras pa rdo rje dbang / gshen sgom ras pa/ rong chung ras pa/ 'khar chung ras pa/ gyen sgom ras pa dang bdun no/ /thugs zin drug ni/ dwags po lha rje/ ling gor cha ru/ 'od stong dge 'dun/ skyo stan shag gu/ dam pa rgyags phug pa/ 'bri than bkra shis/ slob ma grub thob pho bco brgyad byung / grub thob ma dgu byung / rje btsun chen po'i thugs sras kyi dam pa rje dwags po rin po che la/ slob ma ston sgom sgrub pa po sum brgya lhag pa zhig byung / dbon po dwags po sgom tshul la/ zhang g.yu brag pa/ de las rtogs ldan mang du byung ba ni/ tshal pa skor zer/ rje dus gsum mkhyen pa ste/ grub thob dbu se las/ song brag pa khams pa/ shangs kyi rmog cog pa dang / dge slong la yag pa dang / 'ol ka chos g.yung / de'i slob ma sgyer sgom zhig po/ de'i slob ma khams sgom/ chu bzang ba/ dmar sgom ma mdzod ma ba/ 'u brag pa/ rje dwags po'i sras mchog phag mo grub pa la/ slob ma mthar thug bzhi ni/ shes rab kyi mthar thug stag lung pa/ bsod nams kyi mthar thug 'bri gung pa'o/ /gzhan yang sgrub pa dang rtogs pa ldan pa mang du byung ngo / /rtogs ldan mi nyag sgom rin/ grub thob nya rang se bo/ g.ya' bzang pa/ skal ldan ye shes seng ge/ khro bu ba rgyal mtshan rin chen kun ldan/ gtsang pa ras chung / gtsang pa jo sras/ rtogs ldan gtsang pa rgya sgur/ byang chub sems dpa' skor sgom la sogs pa mang po dar bar mdzad do/ /de dag gi slob bu/ yang slob/ slob ma pa rnams la dwags po bka' brgyud du grags so/ /rje btsun dam pa dmar por grags pa'i grub thob byon/ de la slob ma chung gsum dang brgyad tshan gsum la sogs pa byon/ sprang po'i ded dpon mdzad de 'gro ba mang po grol bar mdzad do/ /de dang dus mtshungs par sbas shAkya brtson 'grus la slob ma rdza phor ra'i brgyud pa/ bka' babs bzhi dang / gdung 'dzin brgyad dang / thugs sras bzhi dang / nye ba'i sras brgyad ces pa byung / dus de tsa na zar stag sna'i zhang po rgya 'thing las rnal 'byor smyon tsho dang / rtsi ri'i 'o la 'ba' su las rnal 'byor byar med dang / ru mtshams kyi rgyal ba sro kha 'thams las me chu go log pa dang / dbus kyi she mo rgya lcam las/ glong nag po rgya 'dzam/ de la 'phur tsho zhes zer te/ shangs kyi rnal 'byor stag tsho dang / rji lung gi mgos tshos kha bskangs pa 'di rnams la/ rnal 'byor nag po drug zer/ khong rang gis sgrub brgyud bzang por byed/ lo paN gyi rjes su 'breng ba rnams ni khong ngi de rnams rdol chos su byed/ gzhan yang bod yul 'dir mkhas pa/ bzang ba/ grub thob/