shing shun can dpal ldan bha ku la dgra bcom pa drug stong da bcas byang gi sgra mi snyan na gnas so/ /gnas brtan bzang po chen po ni dgra bcom pa dgu stong dang bcas zangs gling na gnas so/ /gnas brtan nag po rdo rje ni dgra bcom pa stong dang bcas sing ga la'i gling na gnas so/ /gnas brtan bad sa'i bu gling bzang po dgra bcom pa khri gcig stong dang bcas chu bo ya mu na'i gling na gnas so/ /gnas brtan ba glang skyong btsun pa nags na gnas dgra bcom pa brgyad stong dang bcas ri spod kyi ngad ldan lo mi kun ri la gnas so/ /gnas brtan lam pa dgra bcom pa khri gsum stong dang bcas sum cu rtsa gsum lha'i gnas na gnas so/ /gnas brtan sgra gcan 'dzin dgra bcom pa stong dang bcas pri yang ku'i gling na gnas so/ /gnas brtan sdom brtson klu'i sde dgra bcom pa khri nyis stong dang bcas ri bo ngos yangs la gnas so/ /gnas brtan yan lag 'byung zur gyis shes dgra bcom pa lnga brgya dang / sum khri dang / ri bo ti se'i gangs la gnas so/ /gnas brtan drang srong shel nags gnas dge slong ma pham lapa dgra bcom pa khri bzhi stong dang bcas lus 'apags ri la gnas so/ /gnas brtan 'phags pa lam phran dgra bcom pa khri lnga stong dang bcas bya rgod phung po'i ri la gnas so/ /gnas brtan gtsug gi lam pa sbed byed dgra bcom pa stong phrag drug cu dang bcas ri rgyal bhi hu la zhes te ri gnya' sing 'dzin la gnas so/ /gnas brtan chen po bcu drug po de dag ni mi shes pa med/ dad pas bsod snyoms 'bul ba/ bsod nams kyis tshogs gang byed pa'i sbyin gnas/ sbyin pa'i zhing yongs su dag par byed pa/ mtshon gyi bskal pa 'das nas mi rnams de ltar dge ba bcu spyad pas/ tshe slar yang 'phel te tshe lo brgya pa na/ dgra bcom pa dag 'dzam bu'i gling du byon nas chos ston cing tshe lo drug par gyur gyis bar du bstan pa gnas te/ tshe lo bdun brgya pa na de dag gis thub pa'i bstan pa ji snyed pa rnams bsdus te rin po che sna lnga'i tshogs kyis mchod pa byas te/ phyag dang skor ba byas te mya ngan las 'da' 'o/ /mchod rten yang nub nas 'og dbang chen gser gyi sa gzhi la gnas so/ /des thub pa'i bstan pa rdzogs pa'o/ /de'i rjes la rang sangs rgyas bye ba phrag bdun 'byung ngo / /tshe lo brgyad khri bar gyur pa na byams pa byon te 'khor 'dus pa dang po la nyan thos bye ba phrag dgu bcu rtsa drug go/ /'dus pa gnyis pa la/ bye ba phrag dgu bcu rtsa bzhi'o/ /'dus pa gsum pa la bye ba phrag dgu bcu rtsa gnyis so/ /de'i dus na sa bon lan gcig btab pa la 'bras bu lan bdun 'byung ba la sogs pa mnga' thang dang 'byor pa bsam gyis mi khyab pa 'byung ngo / /zhes bshad do/ /byang chub sems dpa' rnams ni gong du bstan pa skyong bar bskos so/ /skye bo'i nang nas rgyal po dang / bram ze/ khyim bdag gsum la gtad de/ skye dgu'i nang na mi nor yul gsum la dbang che ba rgyal po yin pas/ des kyang bstan pa'i gnyer gyis shig smra bsam gyi rig pa la dbang thob pa bram ze yin pas des kyang bstan pa'i gnyer gyis shig rdzas dang nor longs spyod la dbang ba khyim bdag gi rigs shing sa la chen po lta bu yin pas des kyang bsod nams gsog cing bstan pa'i zhabs tog gyis shig gsungs so/ /gzhan mi ma yin par rang rang gis khas