med kyi btsun mo chung ba sa la nu'i ma khrus byed pa'i tshe rnam sras nam mkha' la 'gro ba mthong ba la chags pa skyes pa las byung ste de nas sa la nu'i bu'i yul du hor dang / gru gu dang / sog po dang / sum pa dang / bod la sogs pa'i dmag 'ongs pa na/ rnam sras kyis de dag dmag dpon nang 'khrug byed pa dang / dmag rnams tshe thungabar byed do zhes bshad do/ de dag ni mdo sde du ma dang / glang ru lung bstan pa las bshad do/ /le'u then gyi sa tshigs mkhar dge ba can/ grong khyer chain po dngar ldan na/ sangs rgyas kyi sku bzhugs pa'i mthus/ yul gzhan gyi tshong dpon mang po der 'ong bar bshad do/ /yul de ni ru thog gi rgyab na yod do/ /bstan pa'i snyigs ma la sngags pa lcang lo can smon lam thebs nas/ grol lam bskyed rdzogs thun re bsgoms pa dang / rnal 'byor gyi dbang phyug rnam rtog la thog brdzis byed pa rnams byang chub sems dpa'i dge 'dun gyi rten du bzhag go/ /de ltar rten gsum byon tshul lo/ /de nas 'jam dpal gzhon nur gyur pas bcom ldan 'das la gsol pa/ slad ma'i dus na/ dkon macog gsum gyi rten gsum dang / bstan pa dang / chos dang / gang zag rnams zhing sus bsrung bar 'gyur zhes zhus pas/ sangs rgyas bcom ldan 'das kyis bka' bstsal pa/ bstan pa la dga' ba rnams kyis khas longs shig gsungs pa las/ lha mo 'od zer can na re/ bdag gis dkon mchog gi pho brang gi sgo srung bgyi'o zhes zer ro/ dpal mgon byams pa na re/ bdag gis rten gyi dkon gnyer bgyi'o zhes gsungs so/ gtsang ris kyi dpal mgon bdun cu rtsa lnga na re/ bdag cag gis chos skyong zhing srung ma bgyi'o zer/ dpal ldan mgon po legs ldan nag po na re/ bdag gis gtsug lag khang thams cad skyong ngo / dkyil 'khor gyi srung ma/ dug gsum gyi sman pa/ rig 'dzin gyi srog shing / rnal 'byor gyi dgra lha/ bdud 'dul gyi dbang phyug bgyi'o zer/ dpal ldan lha mo nag mo ri ma ti na re/ bdag gis dam tshig gis rjes gcod/ bstan pa'i srung ma bgyi'o zer/ zhes khas blangs so/ /sangs rgyas kyi bstan pa srung ba ni mi dang mi ma yin pa gnyis ka la bka' bsgos te mi la 'phags pa dang skye ngo gnyis su phye/ 'phags pa la dge 'dun sde gnyis/ nyan thos kyi nang nas 'od srungs chen po la bstan pa gnyer gtad/ kun dga' bo la thos pa'i mdzod du byin gyis brlabs te gtad/ nyan thos chen po gnas brtan bcu drug la tshe lo bdun brgya na/ yul shi bi'i grong du/ rgyal po rig pa'i mchod gnas dge ba'i bshes gnyen zhes bya ba yon tan du ma ldan pa sku 'da' ba na/ sangs rgyas kyi dam cos yun ji srid du gnas par 'gyur zhes dris pas/ dogs par ma byed cig sangs rgyas bcom ldan 'das shAkya thub pa mya ngan las 'da' ba'i dus su/ khyad par can gnas brtan bcu drug gi lag tu dam pa'i chos gtad do/ /de yang gnas brtan dang po bha ra dhwwa dza bsod snyoms len ni dgra bcom pa stong dang lhan cig tu nub kyi ba glang spyod na gnas so/ /de bzhin du gnas brtan gser be'u dgra bcom pa stong dang lhan gcig tu kha che'i yul na gnas so/ /gnas brtan bha ra dhwa dza dgra bcom pa stong dang bcas shar gyi lus 'phags gling na gnas so/ /gnas brtan mi phyed pa dgra bcom pa bdun stong dang bcas 'dzam bu'i gling gi ri gangs can la gnas so/ /gnas brtan