byed pa 'dra ba dang / me tog sna tshogs dgod pa lta bu yod pa/ 'bab chu snyan pa'i sgra 'byin pa/ bsil ngad 'jam gyi phyogs na nas ser bu g.yo ba/ bung ba rgyang ring glu len pa/ nyin mo skye bo'i rgyung 'grul gyis dben pa/ mtshan mo mi ma yin pa'i bar gcod med pa/ mi rgod kyi 'tshe ba med pa/ rgyal blon gdug pas tsor bar ma gyur pa/ skal ba dang ldan pa ma yin pa ma dag pa'i skye bos bgrod par mi nus pa'i gnas/ bde bar gshegs pa rnams kyi thugs rjes bskul nas/ gsang ba'i bdag po rdo rje 'chang nyid/ ri ma la yar mngon sum du byon te/ 'khor dam pa'i rigs can lnga la rdo rje theg pa gsungs so/ /lha'i rig 'dzin grags ldan mchog skyong / klu rgyal 'jog po/ gnod sbyin skar mda' gdong / srin pa blo gros thabs ldan/ mi las skal ldan li tsa byi dri ma med par grags pa la sogs mi dang mi ma yin pa gdul bya snod ldan sha stag la gsang ba sngags kyi rgyud sde rnams bstan to/ /de'i rjes la srin po blo gros thabs ldan gyis rgyud sde rnams bsdus shing yi ger bkod pa'i byin rlabs mi yul du snang bar mdzad pa ni/ dpal 'khor lo sdom pa'i rgyud phyi ma las/ /nga ni 'di nas mi snang nas/ /lo ni brgya dang nyi shu na/ /bstan pa'i snying po dam pa zhig /lha nas gsum du grags pa de/ /'dzam gling shar lho phyogs mtshams kyi/ /dpal zhes bya ba'i ri bo la/ /lag na rdo rjes snang ba byed/ /mi las bskal ldan dam pa rnams/ /byang chub mchog tu grub gyur pas/ /de la rtag tu gus par gyis/ /zhes gsungs pa dang / mdo sde gdams ngag 'bog pa'i rgyal po las/ rgyu la mos pa rgyu'i chos kyi/ /'khor lo rab tu bskor byas nas/ /rdo rje theg pa'i nye lam zhig /phyi tshe zhig na 'byung bar 'gyur/ /zhes gsungs pas/ de'i don gyis byin gyis brlabs nas gnas lugs sems/ rig 'dzin rig pa nas gang zag snyan nas snyan khung du brgyud pa ni/ phyag na rdo rjes rig pa 'dzin pa rnams la gsungs shing / rdo rje gsang sngags kyi 'khor lo bskor ba'i byin brlabs kyis/ za hor gyi yul pra dha mu nya zhes bya bar sku 'khrungs pa/ rgyal po dza zhes bya ba sangs rgyas dang byang chub/ chos dang dge 'dun la mi phyed pa'i dad pa thob pa de/ ma ga dha na bzhugs pa'i dus su/ 'khor rnams la ngas bde bar gshegs pa'i bstan pa rnams rgyas par byed palas/ khyed kun gyis tshol cig ces bka' bstsal pas/ 'bangs rnams kyis rgyal po la zhus shing gsol ba/ rgyal po nyid rang yang rgyal po chen po dharma a sho ka bzhin du byang chub kyi shing drung du mchod pa phul la gsol ba thob ces zhus pas/ de ltar byas pas lha rnams kyis lung bstan te/ a su ra'i brag phug tu song zhig ces nam mkha' las sgra byung ste/ der rgyal po dzas byon te bzhugs pa'i dus su/ mnal lam du mtshan ltas bdun shar te/ rmi lam ni srol la bag chags kyi rmi lam/ nam gung la bdud kyis bstan pa'i rmi lam/ tho rengs lha yis bstan pa'i rmi lam dang gsum yin pa la/ rgyal po da la tho rengs kyi dus su/ dang po la ni ri'i rtse mo ru phyag na rdo rje byon te sku las 'od zer 'phros te/ 'jig rten gyi khams thams cad bsregs te mi snang ngo / /gsung rnga bo che 'brug stong ldir ba'i sgras sgra skad gzhan thams cad mi grags palar zil gyis gnon/ thugs ka nas rdo rje 'od 'bar