ba zhig byung nas/ rgyal po dza yi spyi bor thim/ nyi zla 'od 'bar ba zhig byung nas zhabs mthil du thim nas snang srid thams cad lto ru 'phyo ba zhig rmis so/ /gnyis pa la ni de bzhin gshegs pa rnams dam pa'i chos kyi bka' bgro ba mdzad cing nyi zla'i steng du seng ge la bzhon nas gser gyi 'khor lo rtsibs stong zhig bskor zhing srid pa gsum gyi ka lo gyen la bsgyur ba zhig rmis so/ /gsum pa la ni nam mkha' la sprin gser gyi mdog can ni 'thibs/ cho 'phrul gyi 'brug sgra gdangs snyan la go zhing tshems pa ni grags/ rin po che sna tshogs kyi na bun ni 'thibs/ baiDUrya sngon po'i 'od ni sa la byung bas snang srid gsal/ glog ni 'khyug rin po che sna tshogs kyi char dragha po ni babs pa rmis so/ /bzhi pa la ni 'jig rten pa'i snang ba thabs cad ni 'gyur/ rin po che 'bar ba'i 'od ni shar bas snang srid kyi mun pa thams cad sel/ bdud rtsi sman gyi chu rgyun gyis skye 'gro thams cad kyi nad ma lus par bsal te/ 'gro ba thams cad rdo rje rnal 'byor chen po'i sgra di ri ri sgrog pa zhig rmis so/ /lnga pa la ni sprin gyi gseb nas nyi ma'i dkyil 'khor las/ rin po che sna tshogs kyi 'od zer shar ba de'i dkyil na rin po che smug po'i dpal be'u me 'od dang bcas pa phyi nang thams cad gsal ba'i nang na/ rin po che gser gyi glegs bam la baiDUrya zhun mas nan du bris pa skar mda' thang la lhung ba ltar rgyal po dza'i khang steng du ggas bam po ti'i char babs pa zhig rmis so/ /drug pa la ni yangaglegs bam mang po de rnams la byang chub sems dpal dang / rig pa 'dzin pa dang / lha mi mang pos glegs bam de dag gi yon tan brjod cing bsngags pa brjod do/ /la la ni chos 'don/ la la ni klog la la ni shod/ la la ni sems/ la la ni sgom/ phyag dang skor ba byed cing / mchod pa byed pa yang rmis so/ /bdun pa la ni nam mkha'i sprin gyi gseb nas sgra byung ste/ las dang skal bar rab ldan zhing / /rgyal bas 'byung bar lung bstan pa'i/ /dpal 'byor ldan pa'i sngon bsags can/ /bsod nams chen po'i gra ma khyed/ /dbang pos ji ltar bstan pa bzhin/ /da lta dus 'dir mngon shar gyis/ /'khor ba'i gcong nad sbyang ba'i phyir/ /nga yi cho 'phrul byin rlabs kyis/ /bstan pa'i snying po dam pa zhig /skal ldan khyed la bstan par bya'o/ /zhes pa la sogs pa lung bstan pa rmis so/ /de nas mnal yang sad/ gung yang langs nas 'dug pa la/ shin tu thugs spro zhing nyams kyang shin tu dga' dgyes pa dang spro ba'i bsam pas bzhengs so/ /na bza' gsol/ ske rag bcings nas phyogs bzhir gus pas phyag 'tshal te/ ltas 'di dang sbyar na don chen po zhig 'grub nges pas/ dus phyi ma min par tshe 'di nyid la thob par shog cig ces gsungs nas 'bangs 'khor phyi nang thams cad bsags nas nga'i mtshan ma 'di dang sbyar na don bzang po 'grub nges par 'dug pas/ ri 'di'i rtse mor 'deng gsungs te/ rgyal blon 'khor dang bcas pa rnams kyis khrus byas/ gos gtsang ma gon/ rgyan mdzes pa rnams btags/ zas ngan pal spangs nas rje 'bangs rnams ri bo'i rtse mor byon pa dang / rgyu rin po che las grub pa'i gsang ba'i bdag po rdo rje 'chang sku khru gang pa 'od dang bcas pa zhig rnyed nas rab tu dgyes te/ thams cad kyis kyang phyag 'tshal/