grags/ yab kyi sa nas rta mgrin sogs kyi dbang gsan te/ 'dzed phu gangs rar bsgrubs pas lha'i zhal gzigs pa dang / gter gyi kha byang mang po gnang bas/ mkho mthing dang bsam yas/ gnam skas can gyi srin bya brag dben gnas brag ri lha khang sogs nas gter kha mang po spyan drangs/ yab nyang ston chen po dang / rgya smyon pa don ldan/ zhig po nyi ma seng ge/ mal ka ba can pa/ ston pa kha che sogs bla ma mang du bsten nas sngags dang mtshan nyid kyi gsan pa rgya cher mdzad/ mu tig shel gyi spa gong sogs su sgrub pa la nan tan mdad pas grub pa'i rtags mtshan du ma byung / ngo 'bum ma zhes pa khab tu bzhes pa la sras nam mkha' 'od zer dang / nam mkha' dpal ba gnyis 'khrungs/ sku tshe hril por sgom sgrub dang 'chad spel mdad cing / rdzu 'phrul mtha' yas pa bstan par grags pa sogs kyis grub mtha' ris med kyis tshad mar 'dzin/ bod kyi rab byung gsum pa'i chu pho byi ba'i lo/ spyi lo 1192 dgung grangs drug cu re dgu la ngo mtshar ba'i ltas mtshan rgya chen po dang bcas sku'i bkod pa bsdus/ chags lo tsA bas gdung bzhus pas me spar ma nus/ slar zhugs rang 'bar du gyur te rten ring bsrel khyad par can mang byon zhes grags/ sku 'dad kyi dgongs rdzogs dngos gzhir paN chen shAkya shrI 'khor bcas gdan drangs/ gser gyi 'bul ba rgya chen pos thugs mnyes par mdzad/ sras kyis rab byung bsgrub par dgongs nas zhus pas/ paN chen gyis khyed yab sras byang chub sems dpa' chen por 'dug pas kho bos byang chub sems dpa'i gdung rgyun gcod mi nus/ rten 'di gas 'gro don che gsungs nas ma gnang / chos dang gang zag gnyis kar bsngags brjod rgya chen po bstsal pas/ sngon nas tsad thub rtsod bral gyi gter ston chen por yongs su grags pa'i khar/ gsar ma'i phyogs rnams kyis kyang log rtog gi dri ma sangs te/ gangs can na nyi zla ltar yongs su grags par gyur to/ /slob ma'i gtso bo ni/ sras 'gro mgon nam mkha' dpal ba yin zhing / khong la smin grol yongs rdzogs kyi bka' babs gtad de bstan pa'i bdag por gyur/ khong yang rdzu 'phrul la mnga' bsnyes par grags shing / lha sa skyid chu'i 'grab du jo bo'i cha rags mdzad/ bal ris kyi thang ga thog tshad ma brgya dang brgyad kyang bzhengs/ gu ru chos kyi dbang phyug sogs slob ma mang du bskyangs/ 'di'i sras mnga' mdag (bdag) blo ldan/ de'i sras mnga' bdag bdud 'dul sogs sras brgyud dang / gzhan yang gnyos grags rgyal dang / zhig po bdud dartsi/ sman lung pa mi bskyod rdo rje sogs bka' babs kyi bu lnga gtso bor gyur ba'i slob brgyud kyis bod yul mtha' dbus kun tu khyab par do/ /nyang ral nyi ma 'od zer 'khrungs 'das kyi lo tsigs ni/ bdud 'joms rin po che'i rnying ma'i chos 'byung ltar du bris pa yin yang / 'ga' zhig gis rab byung gnyis pa'i me 'brug la nyang ral 'khrungs par 'dod/ de nas brtsis pa'i lo drug cu rtsa dgu pa rab byung gsum pa'i shing pho byi ba'i lo la nyang 'das par bshad/ gang ltar nyang ral 'khrungs 'das kyi lo khyad mi 'dra ba gnyis la lo skor gcig gi khyad las med par shes dgos/ nyan shul mkhyen rab 'od gsal gyis bris/
dkar chag
(1) brtsam par dam bca' ba/
(2) sa bcad dang po 'jig rten gyi khams spyir bstan pa/
(3)
dkar chag
(1) brtsam par dam bca' ba/
(2) sa bcad dang po 'jig rten gyi khams spyir bstan pa/
(3)