pas mi ster 'ong ngo smras pas/ de gal te bu mi yong mi srid do/ /bu byung yang 'chi srid/ ma shi na rgyal srid khas blang bar bya'o zhus nas/ rgyal po gcig la/ btsun mo zhus pa/ rgyal po gzhan de na re/ khyod bu ram shing pa la bu gsum yod pas/ nga'i bu mo la tsha bo byung yang rgyal srid mi thob pas mi ster ro/ /smras pa/ khyed kyi bu mo la bu byung na rgyal srid sbyin par bya bas bu mo byin cig rgyal pas smras pa/ nga'i bu mo la bu mi yong mi srid/ byung yang 'chi srid/ ma shi na rgyal srid ma byin na/ ngas dmag 'dren no/ /zhes dam bcas te bu mo byin no/ /der khab tu bzhes pa las/ bu gcig skyes pas/ ming rgyal srid dga' bya bar btags so/ /de la rgyal srid ma byin na dmag la 'jigs pas/ bu snga ma gsum drang srong ser skya'i gnas chu bo skal ldan shing rta'i 'gram wa ra Na sir spyugs so/ /bu mo gsum yod pa na re/ bu spyugs pa'i pha khyim du bu mo 'dug par mi rigs/ ming po'i g.yog bya bar rigs so zer nas song ngo / /der rgyal bu gsum gyis/ drang srong ser skya'i bsti gnas dang / thag mi ring bar lo ma'i spyil po byas te/ gnas btab ste 'dug nas/ ri dwags rngon ste des 'tsho bar byas so/ /bsti gnas su dong ba dang / lang tsho dar la babs pa dang / 'khrig pa'i 'dod chags kyis gdungs par brten lag pa'i 'du byed drag po byas pas sha sri ngan pa/ skya seng seng por gyur pa dang / de drang srong gis mthong bas smras pa/ kye skyes bu kun de ltar ma byed par khyed rang gi sring mo dang lhan cig tu dga' mgur spyod cig ces so/ /smras pa/ de lta bu rung ngam zhes pas/ shes ldan dag rgyal rigs stongs pas de bas rung gis/ de ltar spyod cig ci bde bar spyod cig ces/ drang srong gi gsung tsha ma yin no snyam nas dga' mgu rangs te/ rang gi sring mo kun dang lhan cig tu brtses te/ longs spyod pas bu pho dang bu mo dang btsas te rmer gyur te/ ca co dang / rtsed mo dang / glu gar byas pas drang srong bsam gtan gyi tsher ma byas so/ /g.yeng bar song bas/ sdod du ma btub ste/ der rgyal bu gsum gyis drang srong chen po bzhugs shig bdag cag la'ang 'dug sa zhig phob cig zhus pas/ de bzhin bya'o zer nas/ gser gyi bya ma bum gyis grong khrer gyi ri mo bris palas/ drang srong gis gnas gyi gzhi bting bas/ ser skya'i grong khyer zhes bya'o/ /der 'phel ches kyis dogs pas/ lha rnams kyis de dang nye bar phyogs bstan pas/ der grong khyer btab pas/ lhas bstan zhes bya bar grags so/ /de nas rgyal srid 'ga' zhig dga' si nas/ bu gsum spyugs pa/ 'bod mi btang bas sras gsum ko long byas nas ma byung bas/ yab rgyal por gsol par/ nga'i de pa ci 'dra bar 'dug dris pas/ sras gsum bu tsha dang bcas te skyid par gda'o/ /nga'i bu sprang du btang bar su zhig btsun mo ster ba yong / blon pos gsol pa/ sras gsum sring mo dang bza' mi byas te 'dug go/ /zhes zer bas/ yab rgyal po de ngo mtshar ya mtshan nas phyag brkyangs te/ shAkya shAkya zhes zer ro/ /bod du phod pa phod pa bya ba zer ba yin no/ /de nas shAkya chen po'i rgyud ni/ shAkya chen po zhes bya'o/ /'bring po'i rgyud ni/ shAkya li tsa byi zhes bya'o/ /chung ba'i rgyud ni shAkya ri dwags ri brag pa zhes bya'o/ /de rnams kyi bu rgyud la/ bu