tsha bo/ yang tsha/ sum tsha'i rgyud rgyal po brgya tham pa yul gru 'dzin du byung ste/ bu ram shing skyes kyi rgyal po stong dang brgya tham pa byung ngo / /de'i rgyud pyi ma'i bu ni/ bu ram shing pa 'phags skyes po zhes bya'o/ /de la bu bzhi ni/ skar mda' gdong dang / lag sna dang / glang po che 'dul dang / rkang gdub can zhes bya'o/ /de dag la ni shAkya chen po'i rigs zhes grags so/ /rkang gdub can gyi bu ni/ rkang gdub can gyi zhabs bya ba byung ngo / /de'i bu ni gnas 'jig go/ /de'i bu ni ba glang gnas so/ /tha ma gzhung ston no de la bu gnyis te/ seng ge 'gram dang / seng ge sgra'o/ /'dzam bui gling gi ji snyed las/ thams cad kyi mchog ni rgyal po chen po mes seng ge 'gram yin no/ /de la bu bzhi dang bu mo bzhi/ bu che ba ni zas gtsang ma/ de la yum sgyu 'phrul ma'i sras gnyis las/ che ba rgyal bu don thams cad grub pa dang / gcung dga' bo dang gnyis so/ /srin mo ni/ gtsang ma/ de'i bu ni/ legs par rab sad do/ /gnyis pa zas dkar la bu gnyis/ tshe dang ldan pa rgyal ba dang / bzang ldan no/ /zas dkar gyi sring mo ni dkar mo'o/ de'i bu ni 'phreng ba can no/ /gsum pa bre bo zas la bu gnyis las/ tshe dang ldan pa ming chen dang / ma 'gag pa'o/ /bre bo zas kyi sring mo ni/ bre mo ma'o/ /de'i bu ni bzang len no/ /bzhi pa bdud rtsi zas la bu gnyis te/ tshe ldan kun dga' bo dang / lhas byin no/ /sring mo ni tshad med ma'o/ /de'i bu n-i dge 'phel lo/ /rgyal bu don thams cad grub pa'i sras ni/ sgra gcan 'dzin no/ /de rab tu byung bas dgra bcom par gyur to/ /de la sras med pas/ rgyal po mang pos bkur ba'i rgyud gdung chad ces bya'o/ /de yan chad kyi rgyal rabs ni mdo sde bzhag pa nas gsal bar gsungs pa rnams 'di bzhin yin no/ /bar pa shAkya li tsa byi'i rgyud pa ni/ rgyal po khab gnas dang / yangs pa can na gnas so/ /de'i tshe shA?kya bdun khri bdun stong du/ rgyal po gsal rgyal gyi bu/ baiDUrya sngon po zhes bya bas/ bsad de kha dag par byas so/ /de ltar snod bcud kyi chags lugs ni/ nyan thos kyi lung zhu ba ring mo dang / 'jig rten bzhag pa'i mdo dang / bstan bcos gdags pa dang / bye brag tu nyan thos bshad mdzod chen mo las bshad do/ tshul de rnams mang yul byams pa sprin gyi lha khang na bris yod do/ /rgyal rabs sa ya phrag gcig dang / khri phrag bdun stong phrag bzhi dang / brgya phrag lnga dang brgyad song la/ bye brag tu nyi ma'i rigs dang / yan lag skyes dang / bu ram shing skyes grags dang / rgyal rabs lnga khri lnga stong dang / bco brgyad song gong du de dag ma grags so/ /de dag la tshe tshad med pa'i 'khor los bsgyur ba'i rgyal po drug dang / gser/ dngul/ zangs/ lcags kyi 'khor los bsgyur ba'i rgyal po bzhi dang bcu'o/ /gzhal du med pa'i rin po che'i phung po ni bde bar gshegs pa ste/ bcu gcig po ni che ba yin la/ gzhan ni de ltar ma yin no/ /mang pos bkur ba nas sras sgra gcan 'dzin yan chod du/ mi rabs 'bum phrag bcu gnyis/ khri phrag lnga / brgya phrag gnyis/ dgu bcu rtsa bzhi sangs rgyas go lnga byung ste tshe lo dpag tu med pa nas/ lo brgyad brgya lon zhing lo re re bri bas/ tshe lo brgya pa yan chad 'das so/ /de nas sangs rgyas kyi bstan