la grangs med gcig sbyor ro/ /dbyig gnyen gyis kyang / des grangs med gsum las sangs rgyas 'byung ngo mar ni 'grib pa yi/ /brgya yi bar la de dag 'byung / /zhes dkon mchog sprin las bshad do/ /)
gcig bcu brgya stong khri 'bum/ /sa ya bye ba dung phyur rnams/ /rkyang pa'i grangs su shes par bya/ /ther 'bum khrag khrig rab bkram dang / /gtam dkrig mi 'khrug khyad 'byin dang / /spang rten ded 'dren mtha' snang dang / /rgyu rig 'od mdzes dbang po dang / /legs phyin rtogs 'gro 'byin rdul dang / /rgya rtags stobs 'khor brda' shes dang / /rnam 'byung dang ni stobs mig dang / /byams pa chen por shes par bya'o/ /'byung bzhi phyogs ni chen po bzhis/ /kha skong drug cur shes par bya/ /zhes sangs rgyas phal po che las gsungs pas/ /bsod nams dang ye shes kyi tshogs bsags/ mtha' ma nges pa'i don byang chub snying po'i bstan pa la zhugs nas sangs rgyas kyi ring nge 'dzin bsam gyis mi kyab pa dri ma med pa sin tu dkar ba la bzhugs nas/ bdud sdig to can btul nas rtogs par bgyi ba dang / shes par bgyi ba dang / lta bar bgyi ba gang ci yang rung ba de thams cad nam gyi tho rings skya rings 'char kar skad gcig dang ldan pa'i shes rab kyis bdud rtsi brnyes te/ 'chi ba med par 'gro ba'i lam mngon par rdogs pa byas te/ 'og min du thugs mngon par byang chub pa lngas sangs rgyas shing rim gyis drang ba'i don du/ zas gtsang gi sros don grub par skye ba bzhes te/ rdo rje gdan gyi mdzad pa yongs su rdzogs pa'i thub pa'i zhing khams ni stong gsum gyi stong chen po 'jig rten gyi khams mi mjed ces bya ste/ de'i rgya khyon tshad ni gling bzhi ri rab lcags ri nag po mu khyud dang bcas pa 'di'i lho phyogs 'dzam bu'i gling bye ba phrag brgya ste/ de na sprul pa'i sku shAkya thub pa bye ba phrag brgya yis sems can gyi don mdzad pa'o/ /de la gling bzhi ri rab dang bcas pa'o/ /kha ba can 'di'i lho phyogs na bzhugs pa'i rgya ba shAkya thub pa rdo rje gdan byang chub kyi shing drung na bzhugs nas/ de la 'khor nyan thos dang byang chub sems dpas bskor te/ nyid dang mnyam pa'i 'khor phyogs bcu'i de bzhin gshegs pa'i tshogs dpag tu med pa la nyan thos dang byang chub sems dpas bskor/ thub pa chen pos spyod lam rnam bzhi/ skye gnas bzhi la gzigs shing mdzad pa bcu gnyis kyi tshul gyis sems can gyi don mdzad pa'o/ /ngan song thams cad sbyong ba'i rgyud las/ tshe dpag tu med pa'i skabs na/ 'jig rten gyi khams thams cad du snang bar byas te/ snang bar byas nas kyang / sangs rgyas kyi mdzad pa bcu gnyis kyi tsul du mdzad ces gsungs so/ /de dag la ci'i phyir na/ nyid dang mnam pa'i 'khor zhes bya'o zhe na de dag thams cad kyang sangs rgyas kyi sku dang kyad par med pa yin kapas na/ nyid dang mnyam pa'i 'khor zhes bya'o/ /nyid pas dman pa'i 'khor ni sa bcu'i byang chub sems dpa' la sogs pa'o/ /de rnams kyi nang nas thugs sras byang chub sems dpa' bzhi ni/ dpal mgon rgyal ba byams pa dang / 'phags pa 'jam dpal dang / gsang ba'i bdag po dpal phyag na rdo rje dang / thugs rje'i bdag nyid 'phags pa spyan ras gzigs dbang phyug go/ /de dag ci'i phyir na/ rtag tu phyi bzhin 'brang ba'i 'khor zhes bya zhe