na/ sangs rgyas shAkya thub pa bzhings pa dang / gshegs pa dang / bzhugs pa dang / gzims pa dang / sku'i spyod lam rnam pa bzhi gang mdzad kyang / de bzhi ni lus dang grib ma bzhin mi 'bral bar/ rtag tu phyi bzhin 'brang bas na/ rtag tu phyi bzhin 'brang ba'i 'khor zhes bya'o/ /byang chub sems dpa' chen po bzhi po de sku'i ngo bo de rang gang na bzhugs pa dang / 'phrin las 'gro don gang dang gang du mdad snyam na/ dpal mgon byams pa'i sku'i ngo bo ni dga' ldan gyi gnas na bzhugs nas/ mdzad pa'i 'phrin las lha'i yun dar ro/ /'phags japa 'jam dpal gyi sku'i ngo bo ni/ rgya nag ri bo rtse lnga na bzhugs nas/ mdzad pa'i 'phrin las ni/ sangs rgyas kyi zhing khams bsam gyis mi khyabag pa'i mdzad pa nas/ khyad par du byang phyogs sham bha lar dar ro/ /dpal phyag na rdo rje'i sku'i ngo bo ni byang phyogs lcang lo can gyi gnas na bzhugs nas 'phrin las o rgyan yul na dar ro/ /'phags pa spyan ras gzigs kyi sku'i ngo bo ni ri bo ta lar bzhugs nas 'phrin las byang phyogs kha ba can du dar ro/ /de rnams kyi nang nas kyang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od dpag tu med pa'i sras kyi thu byang chub sems dpa' rnams kyi mchog 'phags pa spyan ras gzigs dbang phyug gi rnam par 'phrul pa ni bsam gyis mi khyab ste/ de'i sku'i bkod pa'ang bsam gyis mi khyab pa/ bka' drin che ba'i rnam pa gsum ste/ bde bar gshegs pa rnams la bka' drin che ba dang / byang chub sems dpa' rnams la bka' drin che ba dang / skye bo tha mal pa rnams la bka' drin che ba'o/ /de'i don ni rig pa'i chos go bar bya ba'i phyir/ lde'u dang / sgrung dang / bstan chos la sogs pa rnams so/ /'phags pa spyan ras gzigs ni dang po sangs rgyas snang ba mtha' yas la sogs sangs rgyas bye ba phrag bcu gcig gi drung du thugs bskyed nas/ nam mkha'i mtha' khyab pa'i sems can ma lus pa'i don bya bar dam bca' byas nas gang la ci 'dul de la der ston kapa'i 'phrin las kyis don mdzad do/ /de la longs spyod rdzogs pa'i skus 'dul ba'i dbang du byas na/ de la byang chub sems dpa' rgyal bu don thams cad grub pa des dang po byang chub mchog tu sems bskyed de bskal pa grangs med gsum du tshogs bsags/ bsod nams dang ye shes kyi tshogs rdzogs te mngon par byang chub pa lngas thugs ye shes lnga ru grub nas sangs rgyas pa'i tshul ni ye shes lnga ldan du sangs rgyas te/ de la sku bzhi dang lnga dang bcu gcig tu bshad pa yod do/ /de dag ni sku gsum snang ba'i dbye ba yin pas don gcig go/ /de ltar yin pa yang rnam par snang mdzad mngon par byang chub pa'i rgyud las/ 'og min zhes bya'i gnas mchog tu/ /yang dag sangs rgyas der sangs rgyas/ /sprul pa po de 'dir sangs rgyas/ /zhes gsungs pa dang / gzhan yang / gtsang ma'i rigs dag spangs pa yi/ /'og min zhes bya nyams dga' ba/ /tshogs gnyis yongs rdzogs nas ni/ /zhes pa dang / yang dag sangs rgyas der sangs rgya/ /sprul pa po ni 'dir sangs rgyas/ /zhes mdo sde lang kar gshegs pa dang / mdo sde phal po che dang / rnam snang mngon byang las bshad do/ longs spyod rdzogs pa'i sku chen po de'i thugs gnyis su med kajapas mdzad pa mtha' yas shing