[B:༡༦༡ན]ལུང་བསྟན་ཀླུ་སྒྲུབ་ཐོགས་མེད་ལ༎
རྣམ་པ་ཀུན་དུ་དད་པས་ཕྱག་བགྱིད་དོ༎
འཛམ་གླིང་བན་ཆེན་ཀུན་གྱི་གཙུག་གི་རྒྱན༎
ཀླུ་སྒྲུབ་ཐོགས་མེད་གཉིས་ཀྱིས་ཕྱེ་བའི་་ལམ༎
ཇི་བཞིན་བཟུང་ནས་གདམས་པ་མཆོག་འདི་ཉིད༎
ཕྱོགས་འདིར་བསྟན་མཛད་ཨ་ཏི་ཤ་ལ་འདུད༎
བློ་བཟང་མཁྱེན་པའི་འོད་ཀྱིས་ཤེས་བྱ་ཡི༎
ས་ཆེན་གཅིག་ཆར་ཁྱབ་པའི་གྲགས་པའི་སྒྲ༎
སྐལ་བཟང་ཀུན་གྱི་རྣ་བའི་དཔལ་གྱུར་པའི༎
བཀའ་དྲིན་མཉམ་མེད་བརྒྱུདརྒྱུད་པར་བཅས་ལ་འདུད༎
ནོར་འཛིན་ས་ཡི་ལྟེ་བ་རྡོ་རྗེ་གདན༎
དེ་དང་མཚུངས་པར་ར་ས་འཕྲུལ་སྣང་གི༎
དཔལ་འབྱོར་མ་ལུས་འདུ་བའི་ཕོ་བྲང་ནི༎
རི་དབང་ལྷུན་པོའང་ཟིལ་ཀྱིས་གནོན་པ་ནས༎
སྐྱེས་བུ་གསུམ་གྱི་ཉམས་སུ་བླང་བའི་ལམ༎
ཟབ་མོའི་ལྟ་བ་རྒྱ་ཆེན་སྤྱོད་པའི་ཕྲིང༎
དཔལ་ལྡན་མར་མེད་མཛད་ཀྱི་གདམས་པ་མཆོག༎
ཉམས་སུ་བཞེས་པའི་འཐུན་རྐྱེན་འཛོམ་པ་དེས༎
སྔོན་བསགས་ཚོགས་གཉིས་བརླབས་ཆེ་བསྐྲུན་པའི་མཐུས༎
མཐོ་རིས་ཡོན་ཏན་ཀུན་ལྡན་མངོན་མཐོའི་རྟེན༎
ཐོབ་ཚེ་ཕྱི་མར་བདེ་བའི་ཐབས་ཚོལ་བ༎
[A:9]་གང་དེ་དམ་པའི་སྤྱོད་པར་ལེགས་དགོངས་ཏེ༎
རྒྱལ་བའི་གསུང་རབ་ཀུན་ཀྱི་གནད་རྣམས་ཀུན༎
གཅིག་ཏུ་བསྡུས་པ་བྱང་ཆུབ་ལམ་རིམ་འདི༎
སྤར་དུ་བསྒྲུབས་ནས་ཆོས་ཀྱི་སྦྱིན་པ་ཡིས༎
མཁས་པའི་ཚོགས་ཀྱི་ཡིད་རབ་ཚིམ་པར་མཛད༎
གང་འདི་དཔལ་འབྱོར་ནོར་དང་དཔུང་གི་ཚོགས༎
འཁོར་ལོས་བསྒྱུར་བའི་རྒྱལ་པོ་ལ་འདྲནའདྲན་པའི༎
མི་དབང་ཡབ་ཡུམ་སྲས་བཅས་སྐུ་ཚེ་དང༎
ཆབ་སྲིད་ཡར་ངོའི་ཟླ་ལྟར་འཕེལ་བ་དང༎
ཚེ་རབས་ཀུན་ཏུ་རྗེ་བཙུན་ཙོང་ཁ་པས༎
དགྱེས་བཞིན་རྗེས་སུ་བཟུང་བའི་བཀའ་དྲིན་ལས༎
གཏིང་དཔག་དཀའ་བའི་ཆོས་ཚུལ་རྒྱ་མཚོ་ལ༎
བློ་གྲོས་ཐོགས་མེད་འཇུག་པར་བྱ་ཕྱིར་དང༎
གླིང་བཞིའི་དབུས་ན་ལྷུན་པོ་རབ་མཛེས་ཤིང༎
མ་ཕམ་ཉི་མ་རྡོ་རྗེ་གདན་སྤོ་ལ༎
ཇི་སྲིད་ཤར་པར་མ་གྱུར་དེ་སྲིད་དུ༎
ཆོས་ཀྱི་མཛོད་འདི་གནས་པར་བྱ་ཕྱིར་ཡིན༎
བསྐོས་མཁན་མཁས་པ་མོན་རྡོར་ངག་དབང་དང༎
དཔལ་བཟངས་ལ་སྭོགས་མཁས་པའི་ཚོགས་ཀྱིས་གཟབས༎
ཕྱི་མོའི་ཡིག་གེ་དགེ་བསྙེན་དོན་རྒྱལ་དང༎
དག་བྱེད་པ་ནི་ཀུན་མཁྱེན་པད་མ་བཟང༎
འདི་ཡི་དགེ་བས་སྐྱེ་རྒུ་ཐམས་ཅད་ཀྱི༎