[A:38]gcen chen po 'a khor re'i sras lha lde/ de la 'od lde/ zhi ba 'od/ byang chub 'od dang sras gsum byung ste/ phyi ma 'di'i dus su jo bo spyan drangs pas mes dbon de dag bod la bka' drin shin tu che/ 'od lde'i sras mnga' bdag rtse lde 'dis mnga' ris chos 'khor
rngog lo sogs mang po kha cher byon pa'i zhar la 'dus 'od zer me 'brug go
chen mor grags pa mdzad/ de'i sras 'bar lde/ de'i sras bkra shis lde/ de nas rim pa bzhin bha Ae/ nA ga lde/ btsan phyug lde/ yang 'gris lde/ grags btsan lde/ grags pa lde/ a sog lde/ a ban smal/ re'u smal/
'dis lha sar jo bo rin po che'i dbu thog tu gser thog phul/ de nas rim [B:39]pa bzhin 'ji dar rmal/ a 'ji rmal/ kalan rmal/ brti rmal/ 'di nas ya tshe'i rgyal rgyud chad/ spu hrang nas mnga' bdag bsod nams lde spyan drangs nas rgyal sa 'dzin du bcug de'i sras sri ti rmal gyis lha sar bcu gcig zhal gyi dbu thog tu gser thog phul/ de nas bzung ste deng sang gi bar du yang bstan pa stobs kyis skyong ba'i chos rgyal sha stag byon/ de yang mang yul na shel rig pa mgon gyi rgyud
dang nub rang rgyal po gnyis/ glo ba la stag zangs dkar gsum gyi rgyal po ste lnga ka nang dge ldan pa kho na bla mchod du bkur zhing / mnga' zhabs kyi chos sde rnams na'ang chos lugs gan 'dzin mi byed / gu ge'i dpal lha btsan po yang dge ldan pa nyag cig mchod yul du mdzad nas nor zog gis mnyes par byed cing / mnga' zhabs nas sa skya pa'i chos [B:39a]sde rgya gling thang dang dang bzhi sde sogs
yod pa rnams rang babs su 'jog