[A:110a]nas bros/ phyag na rdo rje'i skor dang dus 'khor sogs ma theg nas dong du sbas/ dmag log nas bltas pas kha cig ma tshang / bri bar zhus pas mkha' 'gro mas sbas pa yin pas mi rung gsungs/ de nas dbus nA lendrar byon/ gtsug lag khang gi sgo gong du rnam bcu dbang ldan bris/ de'i gsham du/ gang gis mchog gi dang po'i sangs rgyas mi shes pa des ni dus kyi 'khor lo mi shes so/ /gang gis dus kyi 'khor lo mi shes pa des ni mtshan yang dag par brjod pa mi shes so/ /gang gis mtshan yang dag par brjod pa mi shes pa des rdo rje 'dzin pa'i ye shes kyi sku mi shes so/ /gang gis rdo rje 'dzin pa'i ye shes kyi sku mi shes pa des sngags kyi theg pa mi shes so/ /gang gis sngags kyi theg pa mi shes pa de thams cad ni 'khor ba pa ste bcom ldan 'das rdo rje 'dzin pa'i lam dang bral ba'o/ /de lta bas na mchog gi dang po'i sangs rgyas ni bla ma dam pa rnams kyi bstan par bya zhing / thar pa don du gnyer ba'i slob ma dam pa rnams kyis mnyan par bya'o zhes bris pa/ jo bo nA ro ta pa de dus de'i mkhan po yin pas/ de la sogs pa paNDYi ta lnga brgyas brtsad pas phul du phyin par mthong nas zhabs la btud de dang po'i sangs rgyas nyan pas cher dar bar gyur pa yin no/ /mthar glan lo'i yi ger/ kong kha Ding gi zhabs la sogs la phyag rdor bstan/ rgya gar shar phyogs su byon/ me tog brtsegs pa'i dgon par nA ro pa la dus 'khor dang phyag rdor sogs slar bshad/ de'i dus su slob ma bram ze dzo'u ta la sogs pa mang po byung ba na/ na ro pa la khyod bshad pa byed 'dug pas shod gsungs nga mi shod sgom gsung ste/ de nas gar song cha med du gshegs/ 'di la tsi lu pa/ dus kyi 'khor lo'i zhabs pa tshom bu pa/ sa ri ki pa zhes byung / de lta bu'i slob dpon de'i thugs su rgyud sde bsam gyis mi khyab pa zhig bzhugs par grags te/ dge slong dbang po shin tu ratal ba zhig gis lhas bstan pa'i rmi lam la brten nas/ byu ru la lha mo ku ru kulle'i sku byas/ bud med kyi ro'i khar bcug nas/ rgyab tu skyil krung bcas nas zhag bdun bsgrubs/ der ro de kha gyen du bltas te ci 'dod zer ba la/ mthong tshad zin par 'dod byas na legs pa la/ blo ratal bas zhum nas bris tshad zin par