R128: chos 'byung bstan pa'i padma rgyas pa'i nyin byed/ {bod yig glog rdul dpe cha/}

  • Pagination (Witness A): 145a
[A:145a]tho rangs mnal thum zhig log pa'i rmi lam du mi reng dkar po zhig byung nas/ a wa dhU tI pa khyod 'dir ma 'dug par lho phyogs su song zhig 'di nas zla ba phyed dang lnga'i sa na dpal gyi ri yid pham pa sems ngal gso ba zhes bya bar rnal 'byor gyi dbang phyug sha ba ri yab yum bzhugs kyi der song dang / ma rtog pa dang log par rtog pa dang / the tshom thams cad gcod par gyur ro zhes gsungs/ de nas a wa dhU tI pa zhes mtshan thogs/ lho phyogs su dgung zla bzhi'i bar phyin pas shin tu ngal nas bsil grib cig la bsnyel bsos bas gnyid du song / sad pa dang 'khris na rab tu byung ba gzhon nu zhig 'dug ga nas 'ongs/ gar 'gro dris pas/ nub phyogs spos can gyi rgyal po'i bu rab tu byung ba dge tshul sa ka ra siddhi bya ba yin/ lho phyogs su song dang rin po che rnyed/ des khyod kyi don thams cad sgrub bo zer lung bstan byung der 'gro ba yin/ 'o na dpal gyi ri la 'deng ngam/ de na ri khrod dbang phyug bzhugs pa yin byas pas rung zer/ de nas lho nub shrI dha nyA ka Ta ka'i yul du bslebs/ rgya mtsho nas 'ongs pa'i tshong pa dang phrad nas dpal gyi ri gar yod dris pas/ da dung 'di nas dpag tshad stong tsam 'das pa na yod zer/ lam 'di lta bu'o zhes bshad pas ji lta ba bzhin du byung nas/ dbus ni dpal gyi ri/ g.yas g.yon yid pham pa'i ri dang sems ngal gso ba'i ri/ bar na chu 'bab pa smyo chu dang dug chur yod pa la ring du btsal bas ma rnyed/ ri gsum po de la gling bdun yod de/ rmi lam btab pa'i gling du bsdad pa'i dgongs rmi lam na skyes bu nag po smyug ma'i shun pas skra spyi bor bcings pas sku 'gying bag bde ba/ gzhu mchog la phag pa'i khog stod khog smad btags pa/ dong pa zhabs gcig pa kha gnyis yod pa/ mda' lnga lnga bcug pa/ 'o ma ses brgyan pa/ rma bya'i sgros smad g.yogs byas pa/ phyag g.yon thugs kha na rin po che'i bum pa thogs pa/ yum rngon pa mo'i cha byad la rma bya dang sha ba'i ro khur ba zhig dang / gling bu 'bud pa zhig gcig g.yas dang gcig g.yon na 'dug pa rmis/ de nas zhal mjal ba'i gling du phyin/ zas kyi rgyun bcad de sa sde btsugs pas/ dngos su byon/ sa ka ras sngar mthong / slob dpon la sbran pas dga' ches te zhabs la gtugs/ dka' ba dpag tu med pa spyad kyang