[A:303a]dgung lo dgu pa la la yag gangs phug tu chos rje pa la dbang bskur zhus pa'i dril bu'i sgra la brten nas rtogs pa 'khrungs/ bco brgyad pa la rtsa rlung gi khrid bskyangs pa'i bde drod bsam gyis mi khyab/ zhabs la rma byung ba'i dus khrag med par 'o ma 'dzags/ rtsa gcig pa la grub thob u rgyan pas gsol ba btab nas rgod tshang pa'i gdan sa la byon/ phyis 'phrin las shin tu che/ dpang lo tsA ba'i dbu skra gcod mkhan yin/ 'ga' zhig tu rdo rje gling pa/ 'ga' zhig tu rgyal sras byang gling pa zhes zer/ zhe gcig pa la gshegs/ 'dis ra lung gi gdan sa ma mdzad/ gdam ngag rnams la sku drin che ba yin/ /sengge rin chen ni rdor gling pa'i gcung po sangs rgyas dbon gyi sprul par grags/ dgung lo bcu gcig pa la nyi ma sengge las rab tu byung / chos rje sku mched la gdam ngag rdzogs par gsan/ bcu gsum lon pa nas tshogs pa bskyangs/ 'di'i dus tsa ri rnying ma nas 'brug pa'i las tshan bsdus/ des kong kha dwags zhabs rnams su rims nad me ltar 'bar/ yon bdag rnams gros byas/ rkyen pa rgyal po stag rdo rjes gtsos/ ri ba zhu bar 'ongs ba na/ chos rje'i bka' las ri thebs mi gtong gsungs/ rgyal po lceb par chas pa na zhal gyis bzhes te rgyal po la 'gro mgon 'doms gsungs pas/ bsod nams rgyal mtshan gral gsham na 'dug pa yid la 'thad nas 'dams pas 'dam kha ma log gsungs/ gnas rnying mar mi gtong / nga la khye'u khrag mdog sha'i ral pa can zhig gi phul ba'i gnas/ rib pa la nas chu 'bab bcu gsum bgrangs pa na yod pa der rdzong / de na ne mo g.yu'i maNDYal lta bu gsum brtsegs yod pa'i steng ma la rgyob ces lung bstan gdan sa nyid dang / ne rings u ri rnams nas las 'dzin bos te ci ga car dpal gyi nags ljongs bzung ba yin/ 'dis spos skya btab/ der bzhugs pas mtshan ldan spos skya pa zhes grags so/ /lnga cu rtsa drug pa la gshegs/ /de'i slob ma sangs rgyas dga' bde/ mtshan gzhan rtogs ldan lo ro ras par grags pa des rje ras chung pa'i gdan sa rnams bskyangs/ chos rje spos skya pa nas dbon po gzhan med pas/ de nyid kyis shangs mo zhig la sras bskrun pa'i cho ga mdzad dgos byung la/ sras ni chos rje sengge