[A:༩༨ན]བའི་རྟོག་པ་འབུར་འཇོམས་རྩ་འགྲེལ། བློ་སྦྱོང་ཐབས་བཞི་པ། དེའི་སྒོ་ནས་སྡིག་པ་བཤགས་པ་དང་། འཁོན་སྦྱང་བའི་ཆོ་ག ཀུ་སུ་ལུའི་ཚོགས་བསག བློ་སྦྱོང་ཀུན་ཏུ་བཟང་པོ། བློ་སྦྱོང་སྟན་ཐོག་གཅིག་མ། བློ་སྦྱོང་ཐུན་བརྒྱད་མ། གླང་ཐང་པའི་ཚིག་རྐང་བརྒྱད་མ། དེའི་འགྲེལ་པ་བྱེད་སྟོན་གྱིས་མཛད་པ། བློ་སྦྱོང་རྟེན་འབྲེལ་སྙིང་པོ་དང་། བཀའ་གདམས་ཐོར་བུ་བ་སོགས་དང་། གཞན་ཡང་རྒྱལ་པོ་སའི་ས་གྷས་བོད་ཀྱི་རྣམ་གཞག ལོ་ཆེན་དང་། ནག་ཚོ་ལ་ཞུས་ཀྱང་གསལ་བར་མ་བྱུང་པ། ཐོ་མཐིང་གསེར་གྱི་ལྷ་ཁང་དུ་ཇོ་བོ་དང་སྟོན་པ་ཞལ་འཛོམ་པར་ཞུས་པས། སྟོན་པས་མངོན་པར་ཤེས་པས་གཟིགས་ཏེ། བོད་ཀྱི་ས་བཅད་དང་གནས་ལུགས་རྣམས་ཞིབ་པར་གསུངས་པ་སོགས་མང་དུ་སྣང་ངོ་། །གསུམ་པ་འཕྲིན་ཡིག་གི་སྐོར་དང་། ཇོ་བོས་མཛད་པ་གོང་དུ་བཤད་ལ། ལོ་ཙཱ་བ་རིན་ཆེན་བཟང་པོས་སྐུ་མཚམས་ནས་གྲོགས་པོ་རྣམས་ལ་སྤྲིངས་པ། དགེ་བཤེས་སྟོན་པས་ཇོ་བོ་སྤྱན་འདྲེན་པའི་དུས་མངའ་རིས་ནས་བོད་སྟོན་རྣམས་ལ་སྤྲིངས་པ་ཚིགས་སུ་བཅད་པ་བཅུ་དགུ་པ། ཞང་འཕྲང་ཁ་བེར་ཆུང་ལ་སྤྲིངས་པ་སྔ་ཕྱི་གཉིས། སྒོམ་ཆེན་བྱང་ཆུབ་ལ་སྤྲིངས་པ། བཤེས་གཉེན་བློ་གྲོས་འབྱུང་གནས་ལ་སྤྲིངས་པ། ཨ་ལི་སྨན་རྒན་སོགས་ལ་གདམས་པའོ། །པོ་ཏོ་བས་རང་གི་སློབ་མ་རྣམས་ལ་སྤྱིར་སྤྲིངས་པ། རང་གི་གྲོགས་པོ་དོལ་པའི་བླ་མ་ལ་སྤྲིངས་པ། གཡའ་ངོས་དགོན་པར་སྤྲིངས་པ། ཡུང་ངའི་ཆང་འཐུང་རྣམས་ལ་སྤྲིངས་པ། བྱ་ཡུལ་གྱི་མཆོད་གནས་ལོ་ཆུང་ལ་སྤྲིངས་པ། ཞོགས་ཡ་གད་དུ་སྤྲིངས་པའི་ཡི་གེ་རྣམས་སོ། །སྤྱན་