[A:༤༣བ]སད་པ་དང་། པཎྜི་ཏ་དེ་སྙིང་རྗེ་ཆེ་བ་ཞིག་ཡོད་པར་འདུག སྣ་ལ་ཐུགས་རྗེ་ཆེན་པོ་འོང་བ་དེ་བཟང་སྙམ། དེ་ནས་ནངས་པར་ཐག་རིང་པོ་ནས་བསུས་ཏེ། སྐུའི་སྤྱོད་པ་ལ་བལྟས་པས་ཆོག་མི་ཤེས། རིམ་གྱིས་རང་གི་ཁང་པར་སྤྱན་དྲངས་ནས་བསྙེན་བཀུར་བར་བཞེད་པ་ལ། པཎྜི་ཏ་དང་། ཁོང་རང་སྟན་མཉམ་པ་ཙམ་བཤམས། དེ་ནས་པཎྜི་ཏ་ནང་དུ་བྱོན་པ་དང་། ལྷ་ཁང་འོག་ན་ཐེག་པ་ཐུན་མོང་གི་ལྷ་བོད་ལུགས་སུ་བཞེངས་པ་ཡོད་པ་ལ་ཕྱག་ལ་སོགས་པ་སཾསྐྲྀ་ཏའི་སྐད་ཀྱིས་ཡན་ལག་བདུན་པ་མཛད་དེ། ལྷ་རེ་ལ་བསྟོད་པ་ཚིག་བཞི་པ་རེ་མཛད་ཅིང་འདུག དེ་བཞིན་དུ་བར་ཁང་ན་ཐེག་པ་ཆེན་པོའི་ལྷ་སྐུ་མང་པོ་ཡོད་པ་དང་། གསུམ་ཐོག་ན་གསང་སྔགས་བླ་མེད་ཀྱི་ལྷ་སྐུ་མང་པོ་ཡོད་པ་ལའང་ཡན་ལག་བདུན་པ་ཕུལ་ནས། ལྷ་རེ་རེ་ལ་རང་རང་གི་རྒྱུད་དང་མཐུན་པའི་བསྟོད་པ་ཚིགས་སུ་བཅད་པ་ཚིག་བཞི་པ་རེ་མཛད། དེར་ལོ་ཙཱ་བས་སཾསྐྲྀ་ཏའི་སྐད་སྙན་པོ་དེ་ཐོས་པས་སྙན་ངག་ཕུལ་དུ་ཕྱིན་པ་འདུག་པ་དང་། སྔར་མ་གཟིགས་པའི་ལྷ་རིས་རྣམས་ལའང་བསྟོད་པ་མཛད་པས། ཐེག་པ་ཆེན་པོ་ལའང་དེ་འདྲ་ན། དང་ཚུགས་ཉེ་བ་འཁོར་ཡིན་ནམ་སྙམ་པ་ལ་བརྟེན་ནས། རང་གི་སྟན་ལ་འབྲིད་ཐེབས་གསུམ་བྱས། མཐར་སྟན་མེད་པ་ཙམ་དུ་ང་རྒྱལ་སྐྱུངས། དེ་ནས་བསྙེན་བཀུར་ཏེ་ལོ་ཙཱ་བས། རྒྱ་གར་གྱི་ལོ་རྒྱུས་མང་པོ་དྲིས་པས། སྒྲོ་བསྐུར་མེད་པ་ཚར་བ་ལན་དུ་བྱུང་། དེ་ནས་ཡོན་ཏན་གང་ལ་མཁས་ཞུས་པས། ཁྱེད་ཐུན་མོང་པ་ལ་ཟེར་རམ། ཐུན་མོང་མ་ཡིན་པ་ལ་ཟེར་གསུངས། ལོ་ཙཱ་བས་ཐུན་མོང་བ་ལ་ཤིན་ཏུ་མཁས། ཐུན་མོང་མ་ཡིན་ལ་འདྲི་བ་ཡིན་ནམ་གསུང་བར་གོ་ནས། ཐུན་མོང་