[A:༡༤ན]དཔོན་གྱིས་མཛད་ངེས་ཤེས་པ་མིན་ཟེར་བའི་ཚིག་འདི་ནུས་པ་ཆེན་པོ་ཡིན་ཏེ། སློབ་དཔོན་གྱིས་དཀྱིལ་ཆོག་མཛད་ངེས་ཤེས་ན། ཀླུ་བྱང་གིས་དེ་དང་མི་མཐུན་པའི་དཀྱིལ་ཆོག་ག་ལ་རྩོམ་པའི་ཕྱིར་དང་། སློབ་དཔོན་སྒྲ་གཅན་འཛིན་དཔལ་བཤེས་གཉེན་བསྟན་པའི་གཏད་རབས་དགུ་པ་ཡིན་ཞིང་། འཕགས་པ་ཀླུ་སྒྲུབ་ཀྱི་དངོས་སློབ་ཀྱང་ཡིན་པས་ཀླུ་སྒྲུབ་ཀྱི་གཞུང་ཡོད་ན་དེའི་ལུང་དྲང་རིགས་པ་ལས་མ་དྲངས་པར། ཀླུ་བྱང་གི་དཀྱིལ་ཆོག་ཉི་ཤུ་པ་ནས་ལུང་དྲངས་པའི་ཕྱིར་ཏེ། འདི་ཉིད་ཀྱིས་མཛད་པའི་ཟུང་འཇུག་གསལ་བ་ལས། དབབ་པའི་ནུས་པ་དང་ལྡན་པའི་སློབ་དཔོན་གྱིས་དབབ་པའི་སྣོད་དང་ལྡན་པའི་སློབ་མ་ལ་དབབ་པར་བྱ་སྟེ། གྲུབ་པའི་དབང་ཕྱུག་ཀླུ་བློའི་ཆོ་ག་ལས་སོ། །ཞེས་བཤད་ཅིང་། གཞན་ཡང་ཨ་བྷ་ཡ་ལ་སོགས་པའི་རྒྱ་གར་བ་མང་པོས་ཀླུ་བྱང་གི་དཀྱིལ་ཆོག་ནས་ལུང་ཤིན་ཏུ་མང་བར་དྲངས་པའི་ཕྱིར་རོ། །དེས་ན་འགོས་དཔོན་སློབ་དང་། རྗེ་བཙུན་ས་སྐྱ་པ་གོང་མ་རྣམས་སློབ་དཔོན་ཀླུ་སྒྲུབ་ཀྱིས་མཛད་པར་བཞེད་པ་དང་། དེ་ལ་བརྟེན་པའི་དབང་བཀའ་ཡོད་པས་སློབ་དཔོན་གྱི་མཛད་ཅེས་སྨྲས་བ་ཤིན་ཏུ་དཀའ། སློབ་དཔོན་གྱིས་རྩོམ་རྣམས་གཙང་ཧྲིག་པ་ཞིག་ཡོང་བ་ལ། འགྱུར་ཉེས་པ་ཨེ་ཡིན་འདི་ཉོག་གེ་བ་ཞིག་འདུག བུ་སྟོན་པས་རིག་པ་དེ་དང་། གཞུང་ཁོ་རང་གི་ཚིག་འགྲོས་ལ་བལྟས་ན་མིན་ནམ་ཡང་སྙམ་སྟེ་བརྟག་གོ །ཞེས་འབྱུང་། མཁས་པའི་དབང་པོ་གུང་རུ་ཤེས་རབ་བཟང་པོས་རྗེ་རྡོ་རྗེ་འཆང་གི་གསུང་བཞིན་འབྲི་བར་མཛད་པའི་གསང་བ་འདུས་པའི་རྣམ་བཤད་ལས། འོན་ཀྱང་ཀླུ་བྱང་གི་དཀྱིལ་ཆོག་དེ་ཚད་