R133: དཔལ་རྡོ་རྗེ་ནག་པོ་ཆེན་པོའི་ཟབ་མོའི་ཆོས་སྐོར་རྣམས་བྱུང་བའི་ཚུལ་ལེགས་པར་བཤད་པ་བསྟན་སྲུང་ཆོས་ཀུན་གསལ་བའི་ཉིན་བྱེད།

« Title Page

Pagination (Witness A): ༢༠༤བ

Last Page »

[A:༢༠༤བ] འཕྲིན་ལས་ཀྱི་ནུས་པ་མཐར་ཕྱིན། གངས་ཅན་གྱི་ལྗོངས་སུ་མགོན་པོ་འདིའི་མངའ་བདག་ཏུ་གྱུར། རྗེ་འདིས་སྤྱིར་མགོན་པོ་ལྕམ་དྲལ་གྱི་རྗེས་གནང་རྡོ་རྗེ་འཆང་ཀུན་དགའ་བཟང་པོ་དང་། བདག་ཆེན་ཞ་ལུ་པ་མཐུ་སྟོབས་དབང་ཕྱུག་བསོད་ནམས་རྒྱལ་མཚན་པ་ལ་ཞུས་པ་ནས་བཟུང་། རྗེས་གནང་མན་ངག་ཅི་རིགས་གསན་པ་ནི། རྒྱལ་ཚབ་ཀུན་དགའ་དབང་ཕྱུག མཁས་གྲུབ་གུང་རུ་ཤེར་བཟང་། དྲིན་ཅན་མཁྱེན་རབ་ཆོས་རྗེ། ཆོས་རྗེ་དོན་ཡོད་དཔལ་བ། པཎ་ཆེན་ཤཱཀྱ་མཆོག་ལྡན། ཆོས་རྗེ་བསོད་ནམས་དབང་ཕྱུག ཀུན་མཁྱེན་བསོད་ནམས་སེང་གེ མུས་སྲེད་པ་རྡོ་རྗེ་རྒྱལ་མཚན། གྲ་ཐང་པ། མཚུངས་མེད་ཤེས་རབ་ཟླ་བ། འདུས་པ་དང་པོ་ངག་དབང་དཔལ་ལྡན་གྲགས་པ། ཞ་ལུ་བ་བསོད་ནམས་བློ་གྲོས། ཏིའུ་ར་པ་རིན་ཆེན་ཆོས་ཀྱི་རྒྱལ་པོ་རྣམས་ལ་གསན་པ་ཡིན་ལ། དེ་ལྟ་བུའི་རྡོ་རིང་ཀུན་སྤངས་པ་ཆེན་པོ་ལ་སློབ་མའི་ཚོགས་བསམ་གྱིས་