[A:༢ན]ཀུན་དད་པ་བསྐྱེད་ཕྱིར་སྤེལ་བ་ལ། །སྐལ་བཟང་དཔྱོད་ལྡན་མཐའ་དག་གུས་པས་ཉོན། །དེ་ལ་འདིར་གནས་ལྔ་རིག་པའི་པཎྜི་ཏ་ཆེན་སོ་ལོ་འཇམ་པའི་རྡོ་རྗེའི་རྣམ་པར་ཐར་པ་ངོ་མཚར་གསལ་བའི་མེ་ལོང་དགོས་འདོད་ཀུན་འབྱུང་ཞེས་བྱ་བ་འདི་འཆད་པ་ལ། དེ་ཡང་བདག་ཉིད་ཆེན་པོ་འདི་གང་ལས་བྱོན་པའི་རིགས་ནི། བྱང་ཕྱོགས་ཀྱི་བརྒྱུད་ཁ་བ་ཅན་གྱི་རྫོངས་འདིར་འགྲན་ཟླ་དང་བྲལ་བའི་ལྷ་རིགས་འཁོན་ས་སྐྱ་པ་ཞེས་མཚན་མཆོག་གསུམ་དང་ལྡན་པའི་གདུང་རིགས་དྲི་མ་མེད་པར་སྐུ་འཁྲུངས་པའི་དབང་ནམ་མཁའ་བཀྲ་ཤིས་རྒྱལ་མཚན་དཔལ་བཟང་པོ་ཞེས་བྱ་བའི་ཡབ་མཁྱེན་རབ་དང་ནུས་པའི་མངའ་བདག་དེ་ཉིད་དང་། ཡུམ་ཡེ་ཤེས་ཀྱི་མཁའ་འགྲོའི་མཚན་རྟགས་ཚང་བ་དམའ་ཟེ་བཟའ་མ་ཅིག་ཧོར་མོ་ཚེ་བརྟན་ཞེས་བྱ་བ་དེ་ཉིད་ཀྱི་སྲས་སུ་བལྟམས་