[A:༢༩ན]ལྡན
་པ་དང༌། ཀུན་མཁྱེན་གོ་བོ་རབ་འབྱམ
འབྱམས་པ་ལ་སོགས། བྱ་བྲལ་འཆད་ཉན་གྱི་སྒོ་ནས་བསྟན་པའི་རྩ་ལག་མཆོག་བརྙེས་ཏེ། སྙིགས་མའི་དུས་སུ་ཐུབ་པ་གཉིས་པ་ལྟར་གྲགས་པ་རྣམས་ཀྱང་བདག་ཉིད་ཆེན་པོ་འདི་ལ་གསུང་ཆོས་བཀའ་དྲིན་ནོད་པ་ཤ་སྟག་སྟེ། དེའི་ཕྱིར་དམ་པ་འདིའི་སློབ་མ་དང༌། ཡང་སློབ་ཉིང་སློབ་ཀྱིས་གངས་ཅན་གྱི་ལྗོངས་མ་ལུས་པ་ཁྱབ་པར་གང་བས་ན། བསྟན་པ་དང་ཕན་བདེ་རབ་འབྱམ་གྱིའབྱམས་ཀྱི་བཀའ་དྲིན་མུ་མེད་པར་བརྩལ་ལོབསྩལ་ཏོ། དབུས་གཙང་གི་སའི་ཐིག་ལེ་མ་ལུས་པ་མཁས་པའི་འཁོར་ཚོགས་ཀྱིས་གང་བར་མཛད་པ་དེ་བཞིན་དུ། མངའ་རིས་དང༌། མདོ་ཁམས་སོགས། རྒྱ་དཀར་ནག་ལ་ཐུག་གི་བར་དུ་མཁས་གྲུབ་ཀྱི་སློབ་མ་དང༌། ཡང་སློབ་ཉིང་སློབ་སོགས་ཀྱིས་གང་བར་མཛད་མོད་ཀྱིས། ཡི་གེའི་ཚོགས་ལ་འཇིགས་པས་རེ་རེ་བཞིན་བྲི་བར་མ་སྤོབས་སོ། །
རིགས་རུས་ཆོ་འབྲང་དྲེགས་པས་རབ་འགྱིང་ཞིང༌། །
གངས་རིའི་ལྗོངས་འདིར་ཆེ་བར་རློམ་རྣམས་ཀྱང༌། །
ཁྱོད་ཀྱི་ཞབས་བཟུངཟུང་རེག་པའི་གེ་སར་རྡུལ། །
གཙུག་གི་ནོར་བུའི་རྒྱན་དུ་གུས་བསྟེན་ཞིང༌། །
ཁྱོད་གསུང་རྣ་བར་ལྷུང་བའི་མཁས་མང་ནི། །
འབུམ་[C:315]ཕྲག་ཆོས་ཀྱི་ཁྲི་ལ་རབ་འཁོད་ནས། །
ལེགས་བཤད་ཟབ་མོའི་ཆར་གྱི་རྒྱུན་ཕབ་པས། །
ཐུབ་བསྟན་རྒྱ་མཚོའི་ལྗིང་རྣམས་ཡོངས་སུ་འགེངས། །
བརྒྱད་ཁྲི་བཞི་སྟོང་ཆོས་ཀྱི་སྒོ་ཕྱེ་ནས། །
འགྲོ་ཀུན་ཐར་པའི་ལམ་ལ་རབ་ཁྲིད་དེ། །
རྣམ་གྲོལ་གསེར་གྱི་ཁང་བཟང་ཉམས་དགའ་བར། །
བདེ་ཆེན་སྐུ་བཞིའི་དཔལ་ལ་འགོད་པར་མཛད། །
དེ་དག་ནི་འཆད་པ་ཉིན་མོར༌[B:༥༧] བྱེད་པའི་འོད་ཀྱིས་ཕྲེང་བས་སྲིད་པ་གསུམ་གྱི་མུན་པ་བསལ་ནས་གདུལ་བྱའི་པད་ཚལ་རྒྱས་པར་མཛད་པའི་ཚུལ་ཆེ་ལོང་ཙམ་བརྗོད་པའི་གཏམ་གྱི་རྦ་རླབས་གྱིན་དུ་བསྐྱོད་པའི་རིམ་པའོ།། །།
རྩོད་པའི་རིག་པས་ཕས་ཀྱི་རྒོལ་བ་ཚར་བཅད་པའི་གཏམ།
ད་ནི་རྩོད་པ་སེང་