[A:217]dang / lo tsA ba dznyA na ku ma ras bsgyur cing zhus te gtan la phab pa/ 'di'i brgyud pa gong gi dgongs 'dus dang mthun no// ! //zha pa nas/ rol pa mngon par brjod pa lha mo sgyu 'phrul drwa ba zhes bya ba'i rgyud le'u bcu gsum pa/ thams cad bdud rtsi lnga'i rang bzhin dngos grub chen po nye ba'i snying po mchog bam po brgyad pa/ bam po re re la rgya gar skad du dang rdzogs so yod pa/ paNDi ta bi ma la mi tra dang / lo tsA ba dznyA na ku ma ras bsgyur cing zhus de gtan la phab pa'o/ /rgyud 'di rnams kyi brgyud pa/
lung mangs po mgon po dpal/ bka' bzhi pa ye shes don grub/ mkhan chen shes rab rdo rje/ bla ma chos dpal shes rab/ mkhan chen grags pa rdo rje/ mtshal yang mgon gyi rin
cig zhus/
po che grags pa don grub/ bka' 'gyur ro cog gi glegs bam gcig pu pa shAkya rgyal mtshan/ de nyid kyi bka' drin las bdag tho btsun kun dga' rnam rgyal dpal bzang po la'o// //
@/ /chos rje shAkya rgyal mtshan pa la mdo mangs thob yig
na mo ratna tra yA ya/ gang yang lhag pa'i bsam pa las byung mnyam med sbyin pa'i phyag skyong bas/ /grangs med bskal par bsod nams legs byas mthar phyin 'gro ba'i skyabs gyur mchog /ma lus skye bo'i gnyen bshes gcig pu rgyal dbang shAkya thub pa zhes/ /'gro na mnyam med ston pa mchog de slob mar bcas la phyag bgyi'o/ /gang gi mdun sa nye bar mdzes byed skal can skye bo'i rwa ba dang / /dad pa'i sa gzhi gtsang ma dag la dam chos me tog 'thor byed cing / /srid pa'i tsha gdung bcil bar byed la thugs rje'i rlung bzhon gyis