[A:242]shes rab/ slob dpon bsod nams seng ge rin po che grags don pa/ bla ma rin chen grags/ rje btsun dam pa shAkya rgyal mtshan/ des bdag la'o// ! //'di la'ang paN chen yan chad la brgyud pa'i nges pa mi 'dug cing / paN chen la yang dpyal chos bzang gi khro phur gsan pa'i dus lho pas kyang gsan pa yin nam zer ba las/ gsan pa'i nges pa tig pa mi 'dug nas/ yang mdo mangs kyi brgyud pa spyi dang / so so nas brgyud pa dag par btsal nas gsan pa'i brgyud pa ni/ bla ma chos kyi rgyal po 'gro ba'i mgon po 'phags pa'i gsung gis spyil phu ba stag ston shes rab 'od zer la mdo mangs kyi lung dag pa cig tshol gsung nas btsal bas/ shangs pa grags seng la mnga' bdag nyang ral nas brgyud pa'i lung dag po yod zer nas gsan no/ /de nas brgyud pa/ sa skya yang dgon pa blo chen la yod zer ba slob dpon gzhon tshul pas gsan nas/ gzhon tshul gyis blo chen la lo gsum du rdzogs par gsan pa'i grangs ni/ sngar gyi mdo nyi brgya nyer lnga po rnams dang / de'i steng du/ gser 'od dam pa klag pa tshe'i mdo/ byams pas dam bcas pa/ rdo 'phang ba bam po gnyis/ ting nge 'dzin gyi chos kyi yi ge mau'u 'gal gyi mdo bam po gcig mdzod dang 'jig rten brjod pa'i mdo bam po gcig bar mtshams ma lus par 'grel ba/ klu'i rgyal po rnga sgra'i tshigs su bcad pa/ chos kyi rgyal mo/
'di la bam po gnyis wa pa'i zhabs na 'dug the tshom can du 'dug go
/ dgra bcom pa dge 'dun 'phel lung bstan pa/ sangs rgyas rjes su dran pa'i ting nge 'dzin gyi rgya mtsho/ 'jig rten gzhag pa bam po brgyad/ de bzhin gshegs pa'i mtshan brgya rtsa brgyad/ phyag 'tshal ba'i bstod pa/ nor bu rin po che thabs la mkhas pa/ tshangs pa'i drwa ba/ byams pas zhus pa/ rnam par mi rtog pa la