[A:244]pa mang ba yin zhes dag par smra ba rnams zhal 'cham par gsung / de gnyis ka'i slob ma paNDi ta su ma ti kIrti/ de la smr-i ti dznyA na kIrti/ de la rong zom lo tsA ba chos kyi bzang pos zhus/ des mnga' bdag ting nge 'dzin bzang po/ des mnga' bdag nyang ral pa can/ lho pa thams cad mkhyen pa/ spang khang pa grags rgyal/ shangs pa grags seng / spyil phu ba stag ston shes rab 'od zer/ sa skya yang dgon pa blo chen sangs rgyas sras/ bag ston gzhon nu tshul khrims/ mgon po 'bum/ spru ston bsod rgyal/ mkhan chen shes rdor ba/ chos sgo ba chos dpal shes rab/ bsod nams seng ge chos rje grags don pa/ bla ma rin chen grags/ bla ma dam pa shAkya rgyal mtshan/ des bdag la'o/ ! /yang / rngog lo'i bu chen gro lung pa chen pos/ stengs pa lo tsA ba la khyod rgya gar du song la/ bye brag bshad mdzod dang / skye rabs dpag bsam 'khri shing la sogs pa sngar bod du ma 'gyur ba rnams dang / khyad par du mdo mangs kyi lung dag pa tshang ba gcig tshol la shog gsung nas brdzangs te/ der stengs pa lo tsA bas rgya gar du byon te rtsad bcad pas/ paNDi ta dznyA na shrI dang / puNya shrI gnyis las mdo sum brgya rtsa dgu re'i lung rnam par dag pa yod zer la/ de gnyis kyang puNya shrI dag cing rgya yang che zer nas/ puNya shrI la zhus so/ /de la stengs los gsan pa de khungs dag par dgongs nas lho pa thams cad mkhyen pas zhus/ de'i brgyud pa/ srang phag khur ba la yod zer ba/ slob dpon gzhon nu tshul khrims pas tshor bas/ sngar nas kyis thob zin kyang / skyar nas gsan pa sngar gyi mdo sna nyi brgya don gcig po rnams dang de'i steng du/ sngar ma thob pa lhag po zhus pa ni/ mdo khang bu rtsegs pa/ ye shes can gyis zhus pa'i mdo/ ye shes pad dkar gyi mdo/ bkod pa'i