[A:410]gnyer gtad pa'i le'u/ brtag pa gnyis pa'i le'u ste nyer gsum mo/ /bu chos kyi thog ma rngog gis yer par byon pa'i lo rgyus/ bu chos gnyis pa grong khyer ser skyar dge ba'i bshes gnyen pa bram ze'i khyi'u gsal bar sku skye ba bzhes pa'i rab ste dang po'o/ /dge ba'i bshes gnyen pa yul kau shaM bhir rgyal bu 'chags pa med par 'khrungs pa/ yul yangs pa can du rgyal bu dad pa brtan pa 'khrungs pa/ yul bha ga lar dad pa rab tu brtan pa 'khrungs pa/ rgya nag po'i yul du bon po'i hwa shang gnas par rgyal bu blo gros 'phel tu 'khrungs pa/ yul wa rA NA sir khyi'u dga' 'dzin du 'khrungs pa/ yul wA rA NA sir dge bsnyen btsun par 'khrungs pa/ yul sgrar bcas su khyi'u nor bu bzang por 'khrungs pa/ yul ma ga dhar khyi'u zla bar 'khrungs pa/ grong khyer sgra ldan du khyi'u rin chen snying po 'khrungs pa/ grong khyer sgra ldan du khyi'u pad ma 'khrungs pa/ yul yangs pa can du khyi'u 'od zer du 'khrungs pa/
yul yangs pa can du khyi'u byams par 'khrungs pa/ grong khyer rtswa mchog tu rgyal bu seng ge'i sgrar 'khrungs pa/ 'di gsungs tsA na lo tsA ba ka bas kyang sleb/ grong khyer dho mchog tu rgyal bu bde mchog tu 'khrungs/ chu bo ya mu na'i gling du lha'i rgyal por 'khrungs pa/ ka bas dbu mdzad pa'i mkhas btsun mang po dang / yon bdag shAka mgon la sogs pa skye bo'i tshogs du ma dang bcas pa'i dbus su lha chos bdun ldan gyi 'khor lo bskor ba las 'phros nas/ nan tan gyi sgo nas chos 'di nyid bka' rgya du mas btab pa'i le'u ste pha chos kyi le'u gcig yin no/ /ma ga dha'i yul pad mo can du khyi'u dge 'dun 'phel du 'khrungs pa/ 'di ni rngog chos kyi tha ma yin no/ /khu dang dag snang 'brel ba'i tshoms dang bcas nas yul wA rA NA ser sprul pa'i bya sro lo kun du rgyur 'khrungs pa/ khu