R139: rje btsun rdo rje gdan pa thams cad mkhyen pa kun dga' rnam rgyal dpal bzang po'i gsan yig yongs su rdzogs pa/ {bod yig glog rdul dpe cha/}

  • Pagination (Witness A): 424
[A:424]mkhas mang seng ges bteg pa'i chos rin po che'i khrir zhabs pad bkod cing / zab don du ma thugs su chud pas man ngag la dbang 'byor zhing / bdag cag la yang dbu tshad sogs mtshan nyid theg pa'i chos du ma'i sgo nas bka' drin chen po gyur pa/ chos kyi rje/ grwa ston rig pa'i ral gri/ mkhas grub shes rab dpal ldan pa'i zhal sngar/ bsnyen sgrub rdo rje gsum gyi lam cha lag dang bcas pa yongs su rdzogs par thob nas/ de dag gi chos kyi rnam grangs bla ma brgyud pa'i rim pa dang bcas pa mi brjed cing bka' drin dran la/ slar gzhan la'ang phan pa'i bsam pas bri bar bya ba ni/ lam 'di'i mnga' bdag grub chen u rgyan pa'i rnam thar rin chen phreng ba zhes bya ba/ dang por thob pa'i brgyud pa ni/ grub thob zla ba seng ge ra ga brag pa shAkya dhwa dza/ 'brom mdo ba bkra shis dpal ldan/ bla ma nor bu bzang po/ chos rje pa/ des bdag la'o// ! /bla ma de las brgyud pa'i lam smin grol gnyis las dang po dus kyi 'khor lo'i dbang gong ma bskur ba'i cho ga zla ba seng gis mdzad pa'i steng nas dbang dang lung thob pa'i brgyud pa ni/ rdo rje rnal 'byor ma/ grub chen u rgyan pa/ zla ba seng ge ra ga brag pa shAkya dhwa dza/ bla ma bkra shis dpal ldan pa/ bla ma nor bu ba/ chos rje pa/ des bdag la'o// ! /de nas grol lam nyams khrid du legs par thob pa'i brgyud pa ni/ rdo rje rnal 'byor ma/ grub chen u rgyan pa/ mkhas btsun bsod nams 'od zer/ zla ba seng ge de gnyis ka la kun mkhyen gangs khrod pa/ sa bzangs ma ti paN chen/ theg chen chos kyi rgyal po kun dga' bkra shis rgyal mtshan dpal bzang po/ bla ma nor bu ba/ chos rje pa/ des bdag la'o// ! /de dag gi yig cha'i rim pa ni/ bsnyen sgrub rtsa ba rdo rje'i tshig rkang / grub thob u rgyan pa rang gis