[A:439]'das rjes gsum dang don khrid bcad pa ste/ /dum bu nyi shu gsum gyis btags grol ma bu tshang / /zhes dang / dbang dang lag len bdag gi ma bu ni/ /rigs lnga phyi nang gnyis kyi sgrub pa dang / /spros bcas bum dbang gsum pa'i lag len dang / /dbang gsum sa bcad DA ki'i mngon rtogs dang / /dbang gi rgyab yig khyad par dbang lnga dang / /mchod 'bum las byang gnyis te ma bcu yin/ /de yi bu ni dbang sgrub bum sgrub dang / /dkyil 'khor rnam dbang tshogs mchod gtor ma dang / /DA ki'i tshogs mchod dbang gsum tho yig dang / /gsang dbang shes rab dbang gi lhan thabs dang / /DA ki'i srog tika spyi gnad bla rdo dang / /nor sgrub gter gyi bum pa bcu gsum ste/ /dum bu nyer gsum dag gis lag len ma bu grub/ /ces dang / khrid kyi ma bu nyid kyi grangs brtan pa/ thod rgal lam khrid nor bu'i phreng ba dang / /de yi ti ka gsal byed sgron ma dang / /khrid rgyab lung gi phreng ba ma gsum yin/ /de yi bu ni lag khrid rtags tshad do/ /ma gsum bu gnyis lnga yis khrid kyi lag len grub/ /ces dang / de dag rnams kyi rgyab chos bstan pa ni/ snying tig chen mo don gsal me long dang / /rnal 'byor bzhi dang zhus lan zhal gdams so/ /de yi bu ni ngo sprod lam 'bras dang / /zhal gdams gnad thigs rdo rje chu 'thung dang / /ma lnga bu bzhis khrid kyi rgyab yig tshang / /zhes dang / bar do dag gi ma bu bstan pa ni/ /zhi ba bar do khro bo bar do gnyis/ /ma yin bu ni ngo sprod 'chi ltas lam khyer gsum/ /ma gnyis bu gsum dag gi bar do grub/ /ces dang / de thams cad kyi mthar/ de bas mang nyung byung na gdams pa 'chal/ /de yi phyir na gsang ba kha byang gces/ /rgya rgya rgya/ ces dang / de nas yang / 'di'i cha lag gtum mo'i gdams pa dang / /rdo bcud bdud rtsi rdo yi bcud len gnyis/ lto gos zhen pa gcod phyir dgos pa yin/ /zhes gsung ba rnams ni tshang bar thob cing / de'i rjes su/ bka' bsrungs srog sgrub rgyud dang gdams pa dang / /'gyu dus thun drug bla rdo cho 'phrul rnams/ /bstan pa bsrung phyir de dag dgos pa yin/ /zhes gsungs pa ni/ dpe dngos la snod brtags pa/ 'chi ltas brtag pa/ 'chi blu phyi nang gsang gsum rnams dang / mu stegs srog sgrub nag mo'i rgyud/ yongs rdzogs TI ka dri med snying po/
man ngag snying gi dgos pa rnams su ci rigs par tshang bar snang ste/ de lta bu'i chos skor rnams kyi brgyud pa yang / u rgyan pad ma 'byung gnas/ mkha' 'gro ye shes mtsho rgyal/ rong ban chen po/ rgyal sras dri med 'od zer/ 'khrul zhig sangs rgyas dbon po/ chos rje shes rab dpal ldan/ des bdag la'o// //
@/ /sprul sku zhwa dmar zhabs/
rdo rje rnal 'byor ma lhan cig skyes ma lha lnga'i dbang gi brgyud pa ni/ rdo rje 'chang / tai lo pa/ nA ro pa/ mar pa/ mid lha/ sgam po pa/ dus gsum mkhyen pa/ 'gro mgon ras pa/ spom brag pa/ karma dpag shi/ gnyan ras dge 'dun 'bum/ chos rje rang byung rdo rje/ rtogs ldan mgon po rgyal mtshan/ rol pa'i rdo rje/ mkha' spyod dbang po/ de bzhin gshegs pa/ sog dbon dka' bzhi/ mthong ba don ldan/ bla ma rin po che dpal 'byor don grub/ chos kyi grags pa ye shes dpal bzang