[A:441]po/ des bdag la'o//
! /mgon po ber nag can gyi rjes gnang gi brgyud pa ni/ ye shes mgon po/ slob dpon arNa/ mal gyo blo gros grags/ gnyal pa nyi ma 'bar/ gnyal pa jo sras/ 'gro mgon ras chen/ spom brag pa/ karma dpag shi/ gnam thog pa/ gnam thog pa gzhon nu 'bum/ rang byung rdo rje/ mgon po rgyal mtshan/ rol pa'i rdo rje phyin chad gong dang 'dra/ ! /tsa ri'i zhing skyong seng gdong can gyi rjes gnang gi brgyud pa ni/ karma dpag shi/ gnyan ras sambha la kSha/ chos rje rang byung rdo rje/ rtogs ldan mgon rgyal ba/ rol pa'i rdo rje/ mkha' spyod dbang po/ de bzhin gshegs pa/ sog dbon pa bka' bzhi ba rin chen bzang po/ mthong ba don ldan/ gu shrI dpal 'byor don grub/ chos rje nyid/ des bdag la'o// //
@/ /bo dong ras chen pa/
rje btsun rdo rje rnal 'byor mas/ /
rjes bzung rnal 'byor pa yi mchog /
dpe bral byin brlabs myur stsol ba/ /
dpal 'byor bzang po'i zhabs la 'dud//
de lta bu'i bla ma nges par grub pa'i dbang phyug chen por gyur pa de las shangs pa'i zab chos rnams cha lag dang bcas pa rdzogs par yid ches pa'i gnas su thob pa las/ dang por ni gu chos drug la yang thog mar smin byed kyi dbang la/ khog 'bubs kyi bka' gnyis dang / gzhung shing gi bka' bdun las/ dang po la rgyud sde lnga'i dbang ni/ dbus su 'khor lo sdom pa/ shar du kye rdo rje/ lhor gsang ba 'dus pa/ nub tu rdo rje 'jigs byed/ byang du ma hA mA yA ste dkyil 'khor lnga bsdus par dbang bzhi yongs su rdzogs pa dang / bde mchog gi dbang bzhi lus la bskur ba gnyis/ gzhung shing gi bka'