[A:442]bdun la spyi'i bka' sgyu lus kyi dbang mo che dang / sgos kyi bka' thabs lam/ sgyu lus/ rmi lam/ 'od gsal/ 'pho ba/ bar do rnams kyi bka' so sor thob cing / so so'i grol lam rnams nyams myong rgyud la skyes skyes su 'khrid yig ji lta bar nyams 'khrid du thob nas/ de dag gi yig cha'i rim pa la/ thog mar grub chen khyung po rnal 'byor/ rmog cog pa/ skyer rgang pa/ sangs rgyas gnyan ston pa/ sangs rgyas ston pa/ mkhas grub shangs ston rnams kyi rnam par thar pa ste/ brgyud pa rin chen sna bdun zhes grags pa lta na/ ne gu ma'i rnam thar khyung po'i rnam thar gyi 'go na yod pa dang bcas pa'o/ /de nas rgyud sde lnga'i dkyil 'khor gyi cho ga de'i lam dus kyi cho ga rgyud sde lnga'i mngon rtogs bsdus pa/ bde mchog lha lnga'i mchod 'phreng / bde mchog gi dbang bzhi lus la bskur ba'i cho ga ne gu chos drug gi gzhung ngam sgyu lus kyi dbang mo che/ chos drug gi 'khrid yig mkha' 'gro gnad kyi gsang sgrub sogs chos tshan bcu gnyis/ bka' rgyud kyi lag len lhan thabs sogs brgyad cu rgya gcig ngag byin brlabs sogs gnyis/ phyag chen ga'u ma'i dbang sogs chos skor bcu/ lam gyi snying po 'chi med ye shes chen po'i man ngag sogs brgyad/ birWa pa'i 'chi med grub pa'i 'khrul 'khor lo rgyus rtsa 'grel dang bcas rnams thob pa'i brgyud pa ni/ rdo rje 'chang / mkha' 'gro ma ne gu ma/ grub thob khyung po rnal 'byor/ rmog cog pa rin chen brtson 'grus/ grub chen skyer rgang pa/ sangs rgyas gnyan ston/ sangs rgyas ston pa/ gzhon nu grub/ zhang ston pa/ mkhas btsun pa/ nyang stod bsam sdings kyi bla ma sku mched gsum/ chos dpal ba/ mus chen pa/ byams mgon pa/ phyogs las rnam rgyal ba/ ras chen dpal 'byor