[A:107]du bskos/ dge 'dun tshal pa'i bstan pa'i rtsa ba btsugs/ de'i sras dpon chen rin rgyal gyis dpon gyi las ka bzung ste gong du byon/ se chen rgyal pos skyid shod stod smad/ stod lung / gra dol/ 'phyong po/ rgyal sman/ e dwags gnyal gsum sogs lha khang zhig gsos byed pa'i mi sde shes su chug gi 'ja' sa gnang / gung thang du byon te gzims khang shar dang khyams gra chen mo brtsigs/ 'di la sras gsum las che ba nyi ma shes rab kyis 'gro mgon 'phags pa'i phyag phyir gong du byon te 'ja' sa blangs/ gnyis pa dpon dga' bde mgon po bya rog gdong can gyi sprul par grags shing / tshal pa'i dgon sde'i don du gong ma'i drung du lan bdun byon/ mi chen zam kha lha pa'i nye gnas 'dam ring gi gzhan dbang du gyur te/ dpon dga' bde la rtsa ra mang du byas pas/ lkog tu rgyal por zhus par gong ma'i na bza' 'brug sder lnga pa zhig gnang ba de 'og tu gyon skabs/ zam khas khrims rar khrid de stod gos bshus pas/ rgyal po'i na bza' 'dug pa mthong ste zam kha 'jigs/ mi ring bar zam kha la nag phog pas/ dga' bdes snying tshim gyi chang drangs nas/
nged rang gnyis po khyad par che//
nga ni dge 'dun tshal pa yin//
dga' bde dpal//
blo bde dpal//
skyid pa'i dpal//
da lta tshal pa'i dga' bde dpal/ / zhes glu blangs skad/
de nas rgya'i bzo bo mkhas pa dang bcas te/ bar khang / rgya phibs/ gser 'phru sogs rten dang brten par bcas pa mtha' dag phul du byung ba'i