[A:11]ga stug pos dbyig 'dzin gos su klubs pa lta bur rgyu ba'i 'gro ba kun kyang srog gcod sogs ngan song gi rgyu la bag med du longs spyod pa'i rkyen gyis yul gru de dag gi 'og tu mi zad pa'i duHkha'i 'byung gnas dmyal ba'i lcags kyi za ma tog 'dra ba'i nang du lhung bar ye shes kyi gzigs pas mkhyen nas 'phags pa rnam gsum bka'i bgro ba las thog mar 'jig rten dbang phyug gis 'dul ba'i phul du byung ba'i dgongs pa la bzhugs te 'phags pa phyag stong spyan stong gi sku'i rnam pas lha sa'i thad kyi 'dzin ma'i ngos su byon pas dmyal ba'i gnas kyang yid du 'ong ba'i 'chi med bdag po'i dga' ba'i tshal la skyengs pa ster bar gyur pa lta bu'i snang ba dang bcas te der gnas pa'i sprin mgrin phal cher lha'i bde ba la spyod par dbugs dbyung nas/ bod kyi 'gro ba'i don mdzad par yang dud 'gro ni glen zhing gti mug pa'i ngang tshul can la blang dor gyi gnas tshul bzhin ston pa'i mthu dman pas mi'i rigs spel bar dgongs/ 'phags pa'i thugs rjes rigs bsgyur ba'i spre'u zhig dang / 'phags ma sgrol ma'i byin rlabs kyis ri dwags gzugs brnyan blo'i zla gzhon dwangs pa'i ngos su shar ba'i brag srin mo gnyis tshogs pa las rigs drug nas tshe 'phos pa'i spyod tshul mi 'dra ba'i phrug gu drug byung ba yang / pha rigs rnams 'char sgo myur zhing snying rje che ba khog grims pa/ ma rigs rnams gdong dmar sdig las la rngams shing ro gyong ba byung ba de dag las rim par 'phel bas bod mi'i rgyal khams su gyur te/ rus chen bzhi las gyes pa'i khams/ ye sang dkar po gnam gyi 'ju thag can dang gcig ye smon nag mo khro chu'i pha bong 'dra ba dang gnyis/ spyang khrig ye shes lha'i sgron me dang gsum/ mon rdzu nag po khyi'i rnga ljang can dang bzhir dbye ba byung ngo / /
! de yang rgyal phran sil ma mang du byung yang 'phags pa mchog gis byin