[A:10]med par dga' ba'i las kyi sgrib pa'i sgro gshog phyogs bcur skyong ba 'ga' mchis na'ang / ris su ma chad pa'i gsung rab kyi rgya mtsho chen po'i 'jing las rnam dpyod gru gzings kyis rang dbang du spyod pa gzhon nu dpal ba'i gsung las/ bod kyi yul 'di yang rgya gar dang 'dra bar/ yul dang mi la sogs pa gnas pa'i bskal pa nas byung bar byas na yang / lung dang rigs pa'i gnod pa med cing zhes spyi khyab tu gsungs nas/ lugs gzhan yang 'dren par mdzad pa'i gung 'grig mi 'grig gi brjod bya tsam las mtha' gcig tu gsal bar ma gsungs la/ lha las phul byung gi bstod 'grel las bshad pa'i rgyal po ru pa ti dpung bcas/ ri kha ba can gyi khrod du zhugs pa las 'phel ba'i rigs kyang yod srid/ gtso bo ni phyag na padma'i thugs rje'i 'phrin las kyi 'od zer 'gog pa med par shar bas/ gangs khrod kyi 'gro ba'i pad tshal rnam par rgyas pa zhig ste/ de dag gi tshul gnas lnga yongs su rdzogs pa'i paNTi ta chen po dI paM ka ra shrI dznyA nas ka ba shing lo can gyi byang ngos nas bzhes pa'i bka' 'khol ma dang / ma Ni bka' 'bum sogs gangs can gyi ljongs na dar ro cog gi thugs rje chen po'i chos skor du ma zhig dgongs pa'i khog gcig pa las/ spre'u dang brag srin mo lhan cig tu 'dus pa'i phrug gu gdong dmar sha zan gyi rigs su bshad pa ltar/ rgyal ba nyi ma'i gnyen gyi tshad med pa'i thugs rje'i mngal khur las 'thon pa'i gsung gi snang ba stsal ba la brten nas/ bod chen po'i rgyal khams su 'phags pa rigs gsum gyi mgon pos dri ma med pa'i 'dren byed kyis gzigs pa na/ stod mnga' ris kyi cha ni glang po che dang ri dwags kyi yul/ bar dbus gtsang gi cha ni ri dwags dang spre'u'i yul/ smad mdo khams kyi cha ni spre'u dang brag srin gyi yul/ de yang stod g.ya' ri dang gangs ri/ bar brag dang spang ljongs/ smad rtsi shing dang nags tshal gyi yal