[A:164]su mnga' bdag khri srong lde'u btsan gyis dpal bsam yas kyi gtsug lag khang bzhengs pa'i srung mar/ slob dpon chen pos klu zur phud lnga pa bka' bsgos pas/ nged kyis mi 'ongs/ za hor gyi yul na dmu'i rigs la klu'i tsha bo rgyal po hu zhes bya ba nor rgya khab tsam gyi rjes la bya rgod po'i nyin lam bco brgyad 'gro ba zhig yod pas de bsko bar zhus pas/ rnam sras seng sngon can rta bdag brgyad dang bcas pa bkug nas gzugs brnyan bris pa'i ru dar la bstims nas/ khams kyi g.yer ma thang du dmag sgar btab/ slob dpon chen pos ting nge 'dzin gyis pe dkar bkug nas lan cig bod du 'ongs kyang ha cang gdug rtsub che bar byung zhing / slar mkhan slob chos gsum gyis za hor du pho nya mngags nas/ rgyal po dharma pA la/ g.yu'i thub pa rang byon/ zhal brnyan bse 'bag chibs shel gyi sengge dang bcas te sna drangs pas pe kar yang rin po ches spras pa'i shing bya la zhon nas lha mi rnams bod du byon/ slob dpon chen pos spyi bor rdo rje bzhag ste dam tshig bsgrags/ deng sang yang rgyal po nges par brlams na spyi gtsug tu rdo rje'i rjes yong / rnam sras sprin gseb ma'i lo rgyus dang pe dkar ar gtad kyi lo rgyus gnyis 'di dang gung 'grig par mngon/ dharma pA las mnga' bdag khri srong lde btsan gyi bla ma mdzad/ dpal chu bo rir theg pa mchog gi rnal 'byor zab mo'i grub pa'i rtags khyad par can brnyes/ des pho yong bza' bya ba mkha' 'gro'i rigs can zhig khab tu bzhes pa'i sras dpal gyi rdo rje dang rin cen rdo rje gnyis las/ gcung rgya gar du byon/ thos bsam sgom pa mang du mdzad/ si ta'i grong khyer du sku lus ma spangs par mkha' spyod du gshegs/ dpal gyi rdo rjes pa tshab kyi rigs kyi jo mo zhig blangs par sras rdo rje grags pa/ rin cen grags pa/ chos kyi grags pa gsum las/ gcung ni rab tu byung / gcen gyis sgrub pa mdzad pas yi