[A:167]mdzad do//
kun dga' dpal bzang gi sras dpal 'byor bzang po/ bsod nams dpal ldan/ sangs rgyas skyabs/ dkon cog rin cen bzhi 'khrungs/ dpal 'byor bzang pos tshes bzhi gsar ma ba'i zhabs la gtugs/ nyang smad bsam 'grub rtse'i rdzong dpon dang / phyis su dmag dpon la bskos pas dgra sha drod ma yal bar blangs pas srin po yang byin sha 'dar zhes dpa' rtags byung / thams cad mkhyen pa dge 'dun grub dang mchod yon du 'brel bas/ rgyal ba gnyis pa btsong kha pa'i ring lugs la mos pa thob/ bsam rtse na kun mkhyen bu'i phyag bris dang phyag rtags 'byar ba'i bka' 'gyur bzhugs pa phying bar stag rtser gdan drangs/ gcung gsum gyi sa skyong grags pa rgyal mtshan gyi zhabs la gtugs/ khyad par nang so dkon cog rin cen gong ma'i lugs gnyis kyi mdzad pa mtha' dag spel ba'i nang blon mdzad/ bod kyi blon po rig pa can rgyud mar 'byung ba'i rten 'brel gyi ri bo'i 'dabs rol tu phying bar stag rtse'i btsan rdzongs lha'i grong khyer mi yul du 'phos pa lta bur yid du 'ong ba brtsigs/ de'i skabs sras nyag phra bar byung bas/ gdan sa chen po dga' ldan rnam par rgyal ba'i gling nas chos rje zhwa lu pa legs pa rgyal mtshan gdan drangs/ gshed dmar gyi sgo nas rigs bskrun pa'i cho ga mdzad pas hor rdo rje tshe brtan 'khrungs/ skabs shig lha mo 'od zer can ma'i las tshogs la brten nas/ rgya khab rtser brgyus dgra phyogs su bstan pas dmag dpung chen por mthong ba dang / rdzong la chu med par dbyangs 'char gyi sgo nas lu ma bton pa sogs bka' drin che bas dga' ldan dos skyel du grags pa zhal ngo rim par mdzad/
hor rdo rje tshe brtan dbang grags pa 'byung gnas sku mched kyi zhabs la gtugs nas bka' khrims sgyur ba'i blon po mdzad/ phying bar stag rtse'i ri