[A:168]glang po che lta bu'i ngos su ri bo bde chen gyi gtsug lag khang rten dang brten par bcas pa bzhengs/ thon mi sa mbho Ta'i gdung las gnas lnga rig pa'i paNDi ta chen po byams pa gling pa bsod nams rnam par rgyal ba mi pham dga' ba'i bshes gnyen spyan drangs nas rab tu gnas pa mdzad/ 'phags pa'i yul gyi mkhas grub rnams kyi gsung gangs can gyi ljongs 'dir 'gyur ba'i glegs bam rnams kyi steng du/ rgyal ba btsong kha pa chen po'i gsung 'bum po ti bcu drug bsnan pa'i pusta ka mkha' mda' mig gi grangs ldan bzhugs shing / bstan 'gyur snga ma rnams la med pa'i skad gnyis smra ba'i dbang po zha lu lo chen gyis bsgyur ba'i mngon pa'i 'grel pa gnam lcags thog gzer yang yod do/ /
mched rnams kyi sras/ tshe dbang rnam rgyal dang rin cen rgyal mchog gnyis las gcen ni rig pa'i gnas bco brgyad dang sgyu rtsal drug cu rtsa bzhi la mkhas par byung zhing / hor rin cen rgyal mchog ni srid zhi'i yon tan nor bu'i 'phreng ba mgrin pa'i do shal du spud cing / dpa' mdzangs rtul phod sogs lugs gnyis kyi bla na mtho ba'i gong ma chen pos thugs shin tu 'jog pa'a'i blon po rnams kyi gtso bo lta bur gyur/ gong ma'i bka' shog hung rgya ma'i nang du/ dbus gtsang gi chings kyi skor la gnas tshul dri bar btang 'dug pa/ 'di tshor che chung ji 'dra zhig byed kyang khyod rang la 'dri ba las 'os med pas sgo gang zab kyi thag de kha nas chod gsung ba sogs rgyal po las blon po gtso ba'i gtam phyag len du mdzad/ srong btsan gzhis kar zhwa dmar chos kyi grags pa spyan drangs/ yangs pa can gyi chos sder mchod gzhis sogs kyi mthun rkyen gong sar zhu ba gnang / bde skyid gling du spyan snga bka' brgyud bris 'bur dang / bka' 'bum yongs rdzogs gser gyis 'dri ba gnang / jo mo la bsam yas rgyal po'i gnod pa byung bar/ gsol kha bshol nas ar la gtad