[A:171]stag rtse la zhugs kyi gnod pa byung skabs/ sngags chas kyi na bza' skor rnams ma tshig cing / zhal dkar ma chag pa sogs byin rlabs dang thugs rje'i ngo mtshar bla lhag tu che/ me'i gnod pa 'di yang / rig pa 'dzin pa'i dbang phyug 'di nyid za hor rgyal po gtsug lag 'dzin gyi skye ba'i mtha' ma yin pas las kyi rnam par smin pa'i mtha' brtul/ padma 'od kyi gzhal yas su thegs khar/ drung 'khor 'ga' zhig la slob dpon chen po'i rnam thar zhal thang gra tshar khrod nas gang zin pa zhig khyer shog gsung ba ltar phyag tu phul bas/ slob dpon rgyal srid spangs nas brtul zhugs kyi spyod pa mdzad pa'i thad der byung ba nas/ da bu chung gis kyang sde srid 'di zin pa zhig mi 'ong bar 'dug gsung ba sogs ma 'ongs pa mngon sum du mkhyen pa'i bka' stsal to/ / gcung ni thun mong ba'i gtsug lag rnams la blo gros kyi pad dkar rnam par spro zhing / mchod sbyin brgya pa'i dpung tshogs rtsub 'gyur gyi tshul du sleb pa lta bur shugs drag dmag gis sbyor ba la snying stobs kyi go cha btsan po gyon pa zhig ste/ mched gnyis sras dang bcas pa rim par byon no// //
! ta'i si tu'i blon po drung chen grags pa bzang po ni/ chos rgyal khri srong lde'u btsan gyi dus mkhan slob rnam gnyis kyi slob ma grub pa'i dbang phyug nyang ting 'dzin bzang po'i gdung las rim par brgyud de/ btsan thang shar phyogs su nyang grags pa bzang po 'khrungs/ gong ma ta'i si tu'i zhabs la gtugs te 'ol kha stag rtse'i rdzong dpon mdzad/ de'i sras btsan thang sgom grags dang sgom she gnyis kyis yar klungs mgo nag gi sras mo bkra shis skyid mo jo mor blangs pa la sras drung chen shes rab bkra shis/ kun grags pa/ kun dbang pa gsum las/ 'bring pos 'ol kha stag rtse'i rdzong dpon dang / chung bas rtses thang du slob gnyer mdzad/ shes rab bkra shis gong ma'i zhabs