[A:172]la gtugs/ sa skya pa bla ma kun dga' rgyal mtshan dang / tshal pa/ g.ya' bzang pa sogs kyis hor rgyal po la zhu log phul bas/ dgongs pa dag byed kyi rgyu mtshan 'bul bar sher bkras pas lus srog la bltos pa med par hor rgyal po tho gan thi mur gyi drung du byon/ rgyu mtshan 'bul mkhas pas 'phral yun du phan pa'i 'ja' sa 'grub/ sde srid kyi zhabs tog tu 'gyur ba byung bar dpags/ gzhis ka brag dkar khyod shes rab bkra shis mi brgyud dang bcas pas shes su chug gi bka' shog gnang /
de'i sras drung rin cen dpal dang / dge slong gnyis las/ che ba la gong ma chos rgyal chen pos rdzong dpon gyi las ka gnang / rgyal ba btsong kha pa chen po'i sbyin bdag gi mthil len mdzad nas/ ri bo dga' ldan gyi dgon pa 'debs pa'i mthun rkyen snga phyir bsgrubs/ de la 'phyong rgyas nas jo mo sangs rgyas ma blangs par sras rin cen lhun po/ lhun grub pa/ grags pa rgyal mtshan/ dngos grub/ kun dga' 'dzom pa rnams las/ che ba gong ma chen pos rdzong dpon du bsko bzhag gnang / ri bo dga' ldan gyi rtsa ba'i sbyin bdag mdzad/ de 'og gong ma'i gsol dpon gyi las ka bzung / de 'og rab tu byung ste gsung rab la sbyangs nas se ra theg chen gling gi gdan sa mdzad/ de 'og chos sangs rgyas rgyal mtshan gyi gsol dpon dang / de 'og gong ma kun dga' legs pas rdzong dpon gyi las ka gnang / mched rnams la gzhis ka rin spungs nas sras mo lha mo chos skyong jo mor blangs pa la/ nang so dkon cog pa dang sri chod rgyal po gnyis las/ che bas rab tu byung / chung ba la tshes gnyis rin po ches rdzong dpon gyi las ka gnang / gnas rnying kun dga' bde legs dang / chos rje smon lam dpal ba sogs mkhas pa rnams la dam pa'i chos kyi gsan pa mang du mdzad/ de la rgya ma pa'i sras mo bu khrid khab tu bzhes pa la/ nang so