[A:87]glang lung rtsang bskor rnams dang / chung ba'i brgyud pa 'jad rta nag tu thog pa las mched pa'i 'bro ba/ g.yas ru ru lag nyang / mus sogs kyi btsad por grags pa mang zhing / 'bring po la sras pha ba de se/ khri lde/ khri chung / nyag pa bzhi las/ dang po dang bzhi pa gtsang rong gi phyogs dang / gnyis pa mdo smad btsong khar yod cing / gsum pa khri chung gis yar klungs su bzhugs nas sku mkhar 'phying ba stag rtse bzung / de'i sras 'od skyid 'bar la sras bdun byung ba'i g.yu can gyis bya sar bzhugs/ de'i sras jo dga' la gsum las bar ma la sras bzhi las jo bo rnal 'byor gyis 'ban tshigs su bzhugs rje spyan snga rin po che la mchog tu gus shing gdan sa chen po dpal phag mo grur phud dud ma smad pa mdzad/ de'i sras gsum gyi jo 'bag la sras lnga las shAkya mgon gyis pho brang gnas chung bzung / rje sa skya paNDi ta chos 'khor bskor ba'i mthun rkyen mdzad/ de'i sras shAkya bkra shis kyis pho brang rnying ma brtsigs/ sras gnyis byung ba'i chung ba mnga' bdag grags pa rin cen kyis 'gro mgon 'phags pa'i zhabs phyir gong ma'i drung du byon/ 'ja' sa blangs nas brag kha'i pho brang btab/ gnas lnga rig pa shAkya shrI'i ring lugs pa jo gdan tshogs par bsnyen bkur phul du byung ba mdzad/ sras bzhi byung ba'i gnyis pa mnga' bdag shAkya mgon pos lo tsA ba legs pa rgyal mtshan sogs mkhas grub du ma'i zhabs nas bteg pho brang yum bu bla sgang du gtsug lag khang bzhengs/ de'i sras chos rje shAkya rin cen lde ste/ 'di yan chad kyi nang nas dar ma las gzhan du gyur pa kun/ mnyam med stobs bcu mnga' ba'i bstan pa rin po cher sri zhu dang / sa chen po la spyod pa'i skye rgu mtha' dag la bde skyid ma la ya'i rlung gzhon gyis du:kha'i tsha gdung bcil ba'i lhag bsam bai DUraya'i ri bo chu shel dbang po'i gos kyis klubs pa ltar dkar ba'i khur