[A:༨༧]གླང་ལུང་རྩང་བསྐོར་རྣམས་དང་། ཆུང་བའི་བརྒྱུད་པ་འཇད་རྟ་ནག་ཏུ་ཐོག་པ་ལས་མཆེད་པའི་འབྲོ་བ། གཡས་རུ་རུ་ལག་ཉང་། མུས་སོགས་ཀྱི་བཙད་པོར་གྲགས་པ་མང་ཞིང་། འབྲིང་པོ་ལ་སྲས་ཕ་བ་དེ་སེ། ཁྲི་ལྡེ། ཁྲི་ཆུང་། ཉག་པ་བཞི་ལས། དང་པོ་དང་བཞི་པ་གཙང་རོང་གི་ཕྱོགས་དང་། གཉིས་པ་མདོ་སྨད་བཙོང་ཁར་ཡོད་ཅིང་། གསུམ་པ་ཁྲི་ཆུང་གིས་ཡར་ཀླུངས་སུ་བཞུགས་ནས་སྐུ་མཁར་འཕྱིང་བ་སྟག་རྩེ་བཟུང་། དེའི་སྲས་འོད་སྐྱིད་འབར་ལ་སྲས་བདུན་བྱུང་བའི་གཡུ་ཅན་གྱིས་བྱ་སར་བཞུགས། དེའི་སྲས་ཇོ་དགའ་ལ་གསུམ་ལས་བར་མ་ལ་སྲས་བཞི་ལས་ཇོ་བོ་རྣལ་འབྱོར་གྱིས་འབན་ཚིགས་སུ་བཞུགས་རྗེ་སྤྱན་སྔ་རིན་པོ་ཆེ་ལ་མཆོག་ཏུ་གུས་ཤིང་གདན་ས་ཆེན་པོ་དཔལ་ཕག་མོ་གྲུར་ཕུད་དུད་མ་སྨད་པ་མཛད། དེའི་སྲས་གསུམ་གྱི་ཇོ་འབག་ལ་སྲས་ལྔ་ལས་ཤཱཀྱ་མགོན་གྱིས་ཕོ་བྲང་གནས་ཆུང་བཟུང་། རྗེ་ས་སྐྱ་པཎྜི་ཏ་ཆོས་འཁོར་བསྐོར་བའི་མཐུན་རྐྱེན་མཛད། དེའི་སྲས་ཤཱཀྱ་བཀྲ་ཤིས་ཀྱིས་ཕོ་བྲང་རྙིང་མ་བརྩིགས། སྲས་གཉིས་བྱུང་བའི་ཆུང་བ་མངའ་བདག་གྲགས་པ་རིན་ཅེན་ཀྱིས་འགྲོ་མགོན་འཕགས་པའི་ཞབས་ཕྱིར་གོང་མའི་དྲུང་དུ་བྱོན། འཇའ་ས་བླངས་ནས་བྲག་ཁའི་ཕོ་བྲང་བཏབ། གནས་ལྔ་རིག་པ་ཤཱཀྱ་ཤྲཱིའི་རིང་ལུགས་པ་ཇོ་གདན་ཚོགས་པར་བསྙེན་བཀུར་ཕུལ་དུ་བྱུང་བ་མཛད། སྲས་བཞི་བྱུང་བའི་གཉིས་པ་མངའ་བདག་ཤཱཀྱ་མགོན་པོས་ལོ་ཙཱ་བ་ལེགས་པ་རྒྱལ་མཚན་སོགས་མཁས་གྲུབ་དུ་མའི་ཞབས་ནས་བཏེག་ཕོ་བྲང་ཡུམ་བུ་བླ་སྒང་དུ་གཙུག་ལག་ཁང་བཞེངས། དེའི་སྲས་ཆོས་རྗེ་ཤཱཀྱ་རིན་ཅེན་ལྡེ་སྟེ། འདི་ཡན་ཆད་ཀྱི་ནང་ནས་དར་མ་ལས་གཞན་དུ་གྱུར་པ་ཀུན། མཉམ་མེད་སྟོབས་བཅུ་མངའ་བའི་བསྟན་པ་རིན་པོ་ཆེར་སྲི་ཞུ་དང་། ས་ཆེན་པོ་ལ་སྤྱོད་པའི་སྐྱེ་རྒུ་མཐའ་དག་ལ་བདེ་སྐྱིད་མ་ལ་ཡའི་རླུང་གཞོན་གྱིས་དུ༔ཁའི་ཚ་གདུང་བཅིལ་བའི་ལྷག་བསམ་བཻ་ཌཱུརཡའི་རི་བོ་ཆུ་ཤེལ་དབང་པོའི་གོས་ཀྱིས་ཀླུབས་པ་ལྟར་དཀར་བའི་ཁུར་