[A:89]lhag pa 'das pa'i dus/ 'jam dbyangs gong ma'i khri la gnam skos kyi rgyal po hor gyi lung byung ba yin no//
de yang ma hA tsi na'i yul gru chen por stobs kyi dpung pas sa la rang dbang du spyod pa'i rgyal po mchog gi seng ge rkang pa brgyad pas bteg pa'i rin po che'i khri la zhabs zung gi padmo mngon par 'du bgyis te/ rin po che sna bdun sngon du 'gro ba can sa la spyod pa'i mtho ris kyi rgyal po gang yin pa dag ni 'jam mgon zur phud lnga pa'i byin rlabs kyi bsil zer snying la 'phos pa'i kun dga'i bdud rtsi 'bum du 'dzag pa sha stag 'byung bar grags shing / de yang sa skyong chen po kun dga' rdo rje'i gsung las snyigs dus kyi mkhas pa'i dbang po 'gos lo gzhon nu dpal gyis btus par/ spyi bo'i rgyal po sum cu rtsa drug tshin hri hang gi rgyal po gnyis/ han gyi rgyal po bcu gnyis/ ang mang gnyis/ han nyi shu rtsa drug tsha'o tsha lnga/ 'um gcig he'u cing gcig ba si cing gcig ching sang brgyud pa su'i g.yang di yi la rgyal po bcu gnyis byung bar bshad pa sogs rgya dang mi nyag gi rgyal khams thams cad la dbang du byed pa ni/ nag mo a lan la nyi ma dang zla ba'i zer las skyes pa'i bu bo don char mu gan gyi rigs brgyud las byung ba tshe ring gnam gyi she mong las/ yangs pa'i sa chen po kun la dbang sgyur ba hor jing gir rgyal po yin la/ de la sras mang du yod pa'i ga gan la go yug gan dang / go dan rgyal po sogs las phyi ma'i dus/ dor rta nag pos gtsos pa'i hor dmag bod du lhags te/ 'jig rten na mngon par mtho ba gtsug na zla ba yang zhum par byed pa'i dgra thabs kyis bod dang bod chen po'i rgyal khams thams cad spa bkong bar byas/ de yang chos rje bsod grags pas/ jing gir rgyal po/ sbor ta che'i brgyud pa yin pa ltar bshad pa ni ma nges pa ste/ du bun mer gan nas brgyud pa chad de/