[A:371]pa/ gdan sa chen po dpal ldan sa skya
s gtso byas pa'i chos sde rnams su yang /
dge 'dun gyi bsnyen bkur ba dang / 'bul ba chen po rnams bsgrubs pa dang / dbul zhing phongs pa'i sems can rnams kyi yang re ba yid bzhin du bskang zhing / mdor na pha rol tu phyin pa drug gam/ bsdu ba'i dngos po bzhis 'gro ba dpag tu med pa phan bde mchog la 'god par mdzad do/ /dgung lo bzhi bcu zhe gsum bzhes pa na zab mo'i lam la rtse gcig tu brtson pas sa rlung stobs 'phel ba'i nyams sku lus lci ba la sogs pa cung zad dub pa'i tshe/ rje btsun rnal 'byor dbang phyug sa skya pa chen po byon nas/ lam du dam tshig dang sdom pa la nan tan du gyis 'bad rtsol dang dka' spyad mi dgos par 'chi ba'i dus su rtags dang bcas te grub mtha' snyegs par 'gyur zhes lung ston pa yang mdzad/ phyi nas kyang skabs 'ga' rer mjal gsungs so/ /de nas dus thams cad du srid zhi mnyam nyid kyi sgo nas gzhan gyi bde sdug dngos su brje nus pa la sogs pa'i thugs rje tshad med pa dang / byang chub kyi sems kyis sems can thams cad la bu gcig pa ltar gzigs shing / rim pa gnyis kyi ting nge 'dzin las mi g.yo bas/
khams 'dus pa gsum gyi nyams rtogs thams cad mthar phyin nas/ rnam par grol ba'i ye shes kyi snang ba cher rgyas te/ rje btsun 'jam pa'i dbyangs kyi rnam par 'phrul pa skyes mchog rnams kyis gtso mdzad gangs ri'i khrod kyi yongs 'dzin dam pa mang po'i gtsug gi nor bu gyur cig lha dang bcas pa'i 'jig rten gyi 'dren pa dam pa mdzad do/ /rdo rje nag po chen po 'khor dang bcas pa yang bka' bsgo khyad par can dang / dgu gtor la sogs pa'i dus su yang mngon sum du gzigs shing phrin las sgrub po/ /yang dgung lo bdun cu bzhes pa na/ gzhan snang du zhabs cung zad bsnyung ba'i tshul bstan cing