[A:370]phug tu/ dgung lo sum cu so brgyad pa la bzhugs/ phyi nang gi 'du 'dzi dang / rnam g.yeng mtha' dag spangs nas sku tshe dang sgrub pa mnyam pa'i dam bca' brtan po mdzad pa na/ thugs dam gyi rim pa ni lta ba 'khor 'das dbyer med kyi ngang nas thugs dam gyi lha mang po'i sgom bzlas chag med/ rtsa rlung thig le'i rnal 'byor/ rdo rje lus kyi 'khrul 'khor dbang bzhi'i lam cig car du nyams su blang ba'i man ngag thun mong ma yin pa rnams la nyin mtshan khor yug tu g.yel ba skad cig kyang mi mnga' zhing zab pa dang rgya che ba'i chos kyi 'khor lo gang la gang 'dul gyis gdul bya rnams la dngos dang brgyud pas smin grol la 'god par mdzad pa dang / ston dpyid la sogs pa thun mtshams rnams su bde dgyes/ rje btsun ma sgrol ma/ rdo rje rnal 'byor ma/ rdo rje 'jig byed la sogs pa'i dkyil 'khor sgrub mchod brgya tshar mang po dang / phyag tu 'bul ba byung tshad kyis gsung rab la brgya tshar re mdzad/ mtshan brjod/ tshe dpag med/ gtsug tor rnams 'bum ther mang po dang / sgrol ma 'bum ther sum cu so lnga/ rgyud gsum/ yum rgyas 'bring bsdus pa/ dkon mchog brtsegs pa brgya tshar mang po/ /gzhan yang lo re la rgyud gsum dang / mdo sde la sogs pa rgyal ba'i bka' rab 'byams kyi gsung sgrogs pa dang / sAtstsha 'bum ther/ bla ma gong ma'i zla mchod/ dus mchod/ dkon mchog gi mchod pa rgya chen po rnams la shin tu brtson par mdzad cing gzhan dad pa can gyis phul ba'i yo byad rnams kyang yongs su mi 'dzin par lha sar jo bo shAkya'i drung du snga phyir gser zho brgya 'bul gsum/ bo dong jo bo'i drung du brgya 'bul gcig /gzhan rten khyad par can du grags pa du ma dang / bla ma gong ma'i rten gsum rnams kyi drung du mar me/ na bza'/ bla re la sogs pa'i mchod pa/ bde bar gshegs pa'i sku gsung thugs kyi rten bzhengs