[A:373]dkon mchog la gsol ba btab pas mkha' spyod du 'gro'am bde ba can du 'gro zhes pa la sogs pa yin nges pa'i ltas byung bas ril bur bsgrubs te lus can dpag tu med pa la phan pa rgya chen po mdzad do/ /yang skabs shig tu bcom ldan 'das thub pa chen po sku gser gyi lhun po ltar 'bar ba gzigs te/
gsol pa btab pas sems can gyi don rgya chen po 'grub par lung bstan pa yang thob bo/
/de nas bde bar gshegs khar 'ja' dang 'od dang rol mo'i sgra la sogs pa rig pa 'dzin pa'i bsu ba rnams kyang byung zhing / phyi dro zhig bcom ldan 'das ma rnam par rgyal ma lha dgu byon nas/ da ni khyod kyi tshe dang gdul bya'i tshad de tsam yin pas bde ba can du 'gro ba'i dus la bab ces gsung zhing / mnal lam du yang bde ba can gyi sangs rgyas kyi zhing gi rnam par 'phrul pa dang / khyad par rgya chen po gzigs shing / ri bo gus pa'i rtse nas nub phyogs su rin po che sna tshogs kyis spras pa'i lha'i lam rnam par dag pa'i g.yas g.yon na/ lha'i tshogs dpag tu med pa mchod pa'i yo byad bsam gyis mi khyab pa thogs nas/ rje pa nyid bde ba can du spyan 'dren pa yin zer zhing / chos rje nyid kyang gshegs pa'i dus la bab par dgongs nas chos gos gsum dang / rdo rje 'dzin pa mi 'bral ba'i dam tshig gis yo byad kha tshang pa tsam cig ma gtogs pa/ rten mchod/ na bza' phyag rdzas la sogs pa yongs su bzung ba med par spong thag mdzad de/ dgung lo bdun cu don bzhi/ lcags pho stag gi lo dbyar zla 'bring bo chu stod kyi zla ba'i nyi shu brgyad kyi srod kyi cha la 'ja' 'od me tog gi char/ rol mo'i sgra dang / lha bsung gis kun du khyab pa la sogs pa khyad par gyi ltas du ma dang bcas te zhing khams rnam par dag pa bde ba can du gshegs so/ /'on kyang chos kyi sku dang gzugs kyi sku dbyer med pa'i sku gsung thugs mi zad pa rgyan gyi 'khor lo ni 'khor ba ma stongs kyi bar du 'gro ba so so'i bsam pa dang khams dang /