[A:393]'phags zhabs/ phyag rdor bde khros/ 'khor chen/ tshe dpag med grub rgyal ma/ sa lugs kyi yang phur/ rnam 'joms bir lugs la sogs pa'i dbang dang / pu tra la sogs pa'i rjes gnang mang du gsan/ yang jo gdan mkhan chen gzhon nu mgon po las dbang byin rlabs/ mdo rgyud kyi gzhung 'grel man ngag phran mang po rnams rtsad bcad cing gzhan la zhu ru btang nas mang du gsan/ yang mkhan chen byang chub rtse mo las sgra snyan ngag la sogs pa gsan sbyong mdzad cing / dzam nag la sogs pa'i man ngag kyang ci rigs par gsan gsungs/ gzhan yang rigs dang yon tan la sogs kyi khengs pa mi mdzad par gang la ci la mkhas pa su la yang 'dri ba dang / rang gzhan la chos kyi dag ther kho na mdzad pas bstan pa gsal bar mdzad/ tha na bya bral ba la sogs pa phal pa cig la'ang mnyam 'grogs su mdzad nas chos gdams ngag cung zad shes pa tsam yang phan tshun brdar sha gcod pa so so'i blo la nges par mdzad cing gangs can gyi khrod na theg pa gsum gyi chos kyi bka' lung man ngag rnam par dag pa 'gyur ro cog phal mo che gsan cing / sbyor byung gi brtson 'grus phul du byung bas bla ma so so'i bzhed srol/ gsung sgros phyag len rnams ma 'dres par thugs su chud par mdzad do/ /gzhan yang sku gzugs mchod rten la sogs pa'i chags tshad/ gser 'gyur la sogs pa bzo'i rigs du ma dang / yan lag brgyad pa la sogs pa gso ba rig pa'i gzhung man ngag lag len du ma mkhyen par mdzad/ saM skr-i ta la sogs pa'i rgya dkar nag /hor bod la sogs pa'i yi ge dang / sgra'i bye brag du ma mkhyen la/ de dag gi don spyi dang rang gi mtshan nyid phyin ci ma log par mngon sum dang rjes dpag lung tshad ma'i sgo nas gtan la 'bebs pa la thogs pa med pa'i gtan tshigs rigs pa dang / theg pa