[A:412]gra lnga'i dkyil chog la sogs pa dang / pu Ta ming sring gi gtor chog la sogs pa mang po mdzad do/ /phyag rdzas kyi dngos po phyag tu byung ba kun kyang / bla ma dam pa rnams kyi thugs dgongs rdzogs par bya ba'i ched du dus mchod/ zla mchod ma chags par mdzad pa dang / dkon mchog mchod pa/ dge 'dun gyi bsnyen bkur/ bkren cing phongs pa la ster sbyin/ sgrub mchod/ gzungs sngags/ gsung rab klog pa/ sku gsung thugs kyi rten gsum bzhengs pa la sogs pa don can dge ba'i phyogs 'ba' zhig tu phongs pa med par gtong bar mdzad pas 'dzin chags mi mnga' zhing bla ma gong ma rnams kyi rnam thar tshul bzhin du skyong bas ngo mtshar ba'i rnam par thar pa yin no/ /bde bar ma gshegs pa'i lo gcig tsam gyi gong nas zhal chems kyi yi ge mdzad cing / byang chub rdzong 'di chos rje rin po che dang / ri khrod pa gnyi ga'i gzims khang yin/ drung pa dpon slob kyang thugs zhen chen po rang yod pas/ 'di ru jag khyer zhugs nas bla ma'i mtshan dang / sems can la gnod pa 'dug pas/ 'di la gad nas pa dga' mo cig byas/ dge sbyor ba kho na sdod sa cig dgos pa 'dug gsungs nas de tsho'i zhal ta mdzad pa dang / tsha mo rong phyogs kyi bu slob rnams la yang sngar gyi chos 'phro ma rdzogs pa rnams mdzad gsungs nas byon cing bu slob rnams kyi rgyud tshim par mdzad/ gzhan yang gdul bya so so'i chos 'phro ma rdzogs pa phal cher rdzogs par mdzad cing / gsung ngag cung ma rdzogs pa 'ga' zhig la sngar gyi 'phro rnams slob dpon chen po ye shes rgyal mtshan pa dang / slob dpon buddha shrI gnyis la zhus gsungs pa la sogs pa'i zhal ta mdzad de/ dgung lo drug cu rtsa bdun bzhes pa na/ sku khams cung bsnyel ba zhig byung nas/ da lan phal cher 'gro ba 'dra na'ang 'chi ba de 'di ka rang yin pas shin tu legs gsungs nas/ dpal ldan sa skya'i shar stod kyi gzims khang du/ bla ma dpon pos gtso mdzad drung na gnas pa rnams la chos dang mthun